y a bio et bio
par minloute le, 11/11/2007ouais mi j' voudro pousser m' gueulante, pasque nous ché boyaux rouches et ché gueul' noires, in n a cor pas été consulté
ch' terme ou plutot ch' diminutif "bio" qu in emploie achteure à toutes les sauces, te comminche à trouver d' tout in produits bio, zont pas cor treuvé d' l essence bio, pourtant ché par là qu in devro commincher, pasque j' sais nin si zavez l' meme avis, mais in faisant ch' plein deux coups d' suite et in ravisant l' prix au lit' qui s afficho j a bin cru que j éto in train d' mette du super au lieu du gazole dins l' carette
in parlant d' cha ché faut vraimint avoir eune tete ed linotte pour s' tromper d' carburant (j ' dis cha mais inter nous j' cro qui a eune dame qu in conno tous such' site qui l a fait, hein marie claire .....)
bon comme d habitute minloute i s in va à droite à gauche , donc j arviens au sujet principal le terme "bio"
in n a qui vont dire que bio cha vient d' biologique, eh oh, cha veut dire beau , et j' su sur qu in a dit bio pour beau bin avant qu in s' disse que bio cha voudro dire biologique
mais pour nous , gensse du nord, ché trompeur, tin, imaginez et ché arrivé à quéqu un que j' conno, ins' prom'nant sur un marché , ale a intindu, "i sont bio mes légueumes " , bin in s approchant , ale a ravisé l' beauté des produits avant d' se rinte compte que chéto des produits biologiques
faire un procés ? mobiliser l opinion publique pour qu on cange l' diminutif bio, ché pas penssappe
dinch' nord, in parle pas souvint d' nous in a qu à la freumer .......