Les jardinsEl cité d'ech' philosophe ed Vermelles
par kiki le, 13/11/2007Cité d’ech philosophe ed Vermelles
Dins l’ cité, chés corons d’antan
L’ ducasse, joie de vivre d’ chés z’abitants.
Vécur’nt au fil d’eche timps passé,
Exilés, y artourn’ront, au fil des années.
L’ mason d’ mémér’ y etot restée longtimps,
Rénovée, buffet verni, l’cuisine, ech fu bin astiqué.
L’voisine, dévouée, mémère intourée d’ ses soins,
Alarme toul'timps branchée, surveillée.
Pu tard, mémère s'in est allée, s’mason freumée
Ele mason, l’avons d’bout dins not' ventre
Tous chés mos, y r’tournions passer deux journées
In compagnie, d’Paulette la résistante
13h00, visiteux, passés d’ssus l’bord d’el’ route,
Aucun signes précusseurs, ed démolition.
L’ soir plus tard, eune paire d’masons incor’ d’bout.
Des gravats, par ichi par là, d’ssus l’sol, désolation.
Dins l’cité d’eche philosophe, eune mason résistante,
Parmi un groupe d’ masons, murées, core sur pied.
En plein milieu d’ele cité détruit’, combattant’,
Arprind ses drots, en un tiot coron isolé.
L’philosoph’ toujours, dins chés gardins d’chés z’ouvriers
Résistantes, clairs’mées dins chés carreaux d’tierr’ ocres.
Gardiennes, chés restes ed plantes, aux couleurs variées
Des roses, des rouches, blanches immaculées, chés pionnes.
Avec les textes de Marie-Claire et de Potié Vital, quelques lignes de la part de KiKi de Liévin. Adé mes gins.
je ne sais plus si j'ai donné l'information et si Vital est au courant mais la "résistante" a quitté la cité du philosophe
donc je pense qu'à mon prochain passage à Vermelles j'y trouverai un grand terrain vague, et peut être l'année suivante un lotissement en construction ..
