in s'plaint toudis
par annie62110 le, 16/11/2007in ch'momint autour ed mi j'n'intinds parler que douleurs et rhumatismes, ch'est vrai qui comminche à faire frod et j'sus pas l'derniére à m'plaindre, et pourtant j'ai intindu à l'télé que d'puis 1900 in a pris 31 ans d'espérance ed vie et ch'est là qu'in mesure qu'in n'est pas trop à plaindre, passequ'i a d'cha 50 ans el tuberculose et l'polio i faigeotent core des ravages dins l'population, dins tous chés familes in avot eune personne in sanatorium ou qui étot décédée de l'premiére et combien d'infants i zont souffert de l'deuxiéme
mi je m'rappelle deux tiotes voisines avec leurs gambes appareillées, ch'étot affreux d'vire el mal qu'al zavotent pour marcher, quand cha arrivot dins eune famile in mesurot l'chance qu'in avot qu'cha soit pas arrivé à not'maison
mais que voulez vous in n'est fait comme cha faut toudis qu'in s'plaint !