au bistrot
par minloute le, 16/11/2007j a mis cha dins "souv'nir d infance" mais ché plutot souv'nir d adolescence
d abord j' vous là djà dit pour m' mère ch' bistrot chéto un liu d' perdition du qu' ché jommes i dépinsottent l argent du ménache
donc pu tard, j a été comme ché camarates, avec mes camarates au bistrot
ch' bistrot , d abord té sinto l' odeur del biere dins tin nez dés qu' t ouvro l' porte té pouvo aussi printe l odeur del biere quand qu' t ouvro l' porte dins tin nez , mais là chéto quand qu' té sorto et qu' t avo pris eune prone ....
bon j arcomminche odeur ed biere in intrant cha chéto pour l' nez, avec l odeur des cigarettes aussi faut dire qui avo souvint un nuache complet in hauteur à l intérieur, et ché cigarettes chéto des gauloisses des gitanes, ou pire des roulés d' gris ou d' tabac bleu ..... eune partie des zommes étotent assis a tape , d' coin su leu caelles, l' casquiette cor vissée sul' tiete, l' roulée humite au coin del bouque, qui par magie pi aussi un kilo d' saliffe resto collée al' leffe inférieure meme quand qui parlottent
au comptoir chéto ché plus jones, eh ché viux i préférottent s assir, et ché plus jones in' n avo eune paire qui zavottent eune sacrée panche, à accroire que chéto eux qui portotent ché bébés
cha blago , cha s' moquo d' chti qui loupo un coup au billard , cha s interpelo souvint gentimint , dins ché bistrots d' viux i avo pas grinmint d' bagarres, un bistrot d' viu ? prenez à mon tillette , dins l' rue d' l églisse sainte barpe j avo ker y aller meme si nous in juos au flipper dins l' salle ed derriere
y avo d autes bistrots que chéto plus animé , j' me souviens un coup ché ch' papou , ch' café qui éto in face du lycée carnot et pas loin du cinéma casino enfin d' l ex cinéma casino vu qui existe te pu, in coup chéto un diminche aprés midi , nous in attindo sul' trottoir du cinéma ,et in a intindu des gins gueuler d' dins ch' bistrot, pi cha a fini à quat' such' trottoir d in face in s'mettant des bargnouffes, et ch ' papou i éto derriere s' porte vitrée à compter ché points, et ché poings aussi, mais surtout a s' dire i zont pas interet a casser l' vitrine avec leu con'ries cheux la