ch' cadiau in sixieme
par minloute le, 17/11/2007quand qu in est tchiot in a des cadiaux qui comptent , certains sont arliés à l école, tout cha pasqu in s'compare aux zautes, qui qui n a pas lorgné sul' boite ed compas complete qui avo sin voisin, oh chéto pu un compas chéto un outil intersideral , interchangeape , avec plein d' pieches qu in pouvo canger
mi j' raviso min compas, tout simpe avec d un coté eune pointe et d' l aute coté un trole du qu in pouvo mette un crayon d' bos
zinquietez pas j' va pas vous faire causette, ou vous faire braire in vous dijant al' maison in pouvo pas s acater un compas ed compétition et qu in devo s' contenter d un compas pas très précis mais solite , nan la cha s'ro "point d' vue imache du monte" nan l vérité ale est tout' aute......
ché que minloute , je dis minloute mais j' su sur qui do in' n avoir aussi inter vous, chéto commint qu on diro , un brizaque, ouais ché l' terme exact
j a eu aussi un compas d' l espace, d abord mi j avo rin d' mindé, et j a pas sauté au plafond, pasque oubliez pas, que ch' compas chéto pour faire géométrie et géométrie et mi cha faijo chinq ......
aut' cosse, minloute i éto pas trop sogneux, au lieu d armette ech compas dins ' boite , i traino dins l' trousse , donc t avo toudis eune visse qu al' minquo, sans compter l' trousse qu ale éto perchée avec l' pointe du compas, zallez dire mais pourquo te metto pas ch' compas dins' boite, deux raisons, ch' couverque in plastique i éto cassé, m' d'mindez pas commint, mais j avo du forcher in l' mettant dins ch' sac, ou y avo pas resisté quand que j avo du lancer min sac in hauteur et que j avo pas réussi al' rattraper dins mes mains, ou alors chéto la fin du cours et comme j' devo et' préché d aller al' récré j' avo du l incrinquer vite fait dins l' trousse ......
alors si un jour voulez m' faire un cadio, rayez del liste l idée d offrir un compas .....