par l' farniete in hiver
par minloute le, 17/11/2007minloute te déchint ? ouais m'man ! j ' m eto lévé , mi m' rope ed champe vu qui faijo un tchiot peu fro , ché carreaux d' la farniete i zétotent ingélés d' l intérieur
j allo al' farniete pasque j éto intrigué, in n intindo pas l' circulation habituelle du matin
dins l' fond d' tin lit, t intindo bin ché carettes passer mais chéto comme au ralenti, pi cha avo l air ed crisser sous ché pneux
té gratto l' un des carreaux, chéto fro au bout des zonques, et t eute pencho pour raviser c' qui s' passo dehors
ach' momint là té vo passer presque au pas, un bonhomme inmitoufflé du haut in bas, sus' mobylette , et les deux pieds qui sont prets a s'poser a terre, sul' route verglacée
y a l' dame qui apporte l' vo du nord, qui discute (fort) avec un vigin, cha glisse hein, ouais faut faire attintion a ses zéqualettes, l' conversation al' s arrete là, dehors i fait vraimint fro, in vo l' buée qu ale sort des bouques
cha n impeche pas ch' vigin d' partir prudemment aller querre ch' pain , comme un equilibrisse
in arvenant i fait eune halte juste in fache del mason, pasque sin camarate artraité y est in train d' mette des chintes d' vint s' mason
minloute i déchint, faut dire que s' mère ale a applé deux coups, mais là ché ch' père alors in déchint, mais avec regret
va falloir bin s habiller subir les arcommandations d' d habitute, freume bin tin mantiau al' récré, et patati et patata, mais ouais in tel'dit a chaque coup mais t a toudis tin mantiau ouvert quand que j' va t' querre, te va attraper un rhume ou pire qu' cha, t as invie d' rester chi ? j osse pas dire ouais, nan faut toudis leur faire accroire qu in a ker aller a l école , ah l école viv' mint qu in travale et qu in y alle pu, ché rigolo aprés in argrette ech' temps là
bon cha y est ché l'départ pour l école, m' mère ale a mis ché lulus , ché comme des crampons qu in met sous ché bottines avec eune sangle , bon in y va, cha fait pas tro metes qu in fait que j' me fait ingueuler, bin ouais j a vérifié si cha gliccho au risque ed faire tomber m' mère, d ailleurs j' me d' mindo si chéto m' mère qui m' conduiso a l école ou si chéto mi qui l' conduiso, ale eto pas fiere quand que cha glicho
arrivé à l école , am' laicho là sans oublier d eum' donner les dernieres recommandations mais ale y croyo pas, teu gliche pas dins l' cour, té pourro t'casser eune gampe, mais a vire dins l' cour tous ché jones qui s amusottent a glicher et qui cayottent a terre , ale eto presque desespérée, ché zinstituteurs i zétotent bin dins l' cour , mais pas vraimint a surveiller ou alors du coin d' l oeil i zétotent argroupés insenne , a finquer eune cigarette, ou a récauffer les ortiaux in faijant comme eune danse d indiens avé ché pieds, bon d' temps in temps in a un qui s artourno et qui donno un coup d' sifflet quand que cha dégénéro ou qui in avo un qui brayo
pi aprés y yavo ch' grand coup d' sifflet pour aller s aligner d' vint sin maite
là i avo pas a nous faire arcommincher dix fo, bras tendus fixe , revenez fixe, pasque meme nous in commincho a avoir fro au bout du nez ,
in rintro dins l' batimint,mais in s' faijo gronder si in rintro trop vite, et in artrouvo l' caleur del' salle d' classe
tout l' monte i s installo, l' lecon al' commincho, ah in avo dro al' lecon d' morale, que ch'maite i sorto d' un espéce ed fichier, i raviso l'fiche, et i allo au tableau arcopier eune phrasse du genre "bien mal acquis ne profite jamais" aprés i liso un tchiot texte qui donno un exempe de la phrasse qui éto au tableau et aprés in devo expliquer l' phrasse , et pindant ch' temps là minloute i raviso tout in acoutant , l io qui fondo des d'sous d' semelles d' sin collegue d' d'vant , qui v'no mouiller l' plancher in bo d'la classe
eh chéti pas un sacré souv'nir cha .....