ch' chouchou

l' neiche chéto bin, in pouvo faire des concours ed lanchache ed cartapes, ah fallo faire cha quand meme discret'mint sinan i yavo toudis eune maman qui auro du s' occuper d' ses loupes cal' dijo, j'va l' dire at' mère , vraimint qu ale s occupe du sien d' gosse ou plutot chtilale chéto un marie toutoule qui dijo rin pasqui éto toudis sache, un chouchou chtilale bien sache au premier rang, jamais pris a faire des con'ries , pasqu i in faijo pas, trop occupé a raviser ch' maite, derriere ses culs d' boutele qui li servo d' leunettes , pi al' récréation fallo faire attention à li i avo dit ch' maite, pasque ché leunettes chéto fragile, que cucul la praline chtilale, pi y a des coups i voulo juer avec nous in l invoyo paite, nan té jue pas avec nous pasque té va casser tes leunettes, chéto dja arrivé dins l année, et min camarate i s ato fait ingueuler par l' mère dech' chouchou l' lend'min , i zallotent faire juer les assurances , j' savo nin c'que chéto mais cha devo et' graffe
alors nous in li dijo va juer ailleurs, alors chtilale ed monste tout mou i allo voir ech maite in ouignant, "i zont pas voulu que j' jue avec eux" nous aprés in s' faijo ingueuler d' l isoler , et qui fallo qui jue avec nous, nous in comprenno pas que ch' maite i t'no avec li in trouvo cha pas normal
quand que ch' maite i rindo ché copies i commincho par l' plus mauvaisse et j' me souvins in avo un i s appelo Dieval, i avo souvint l' moins bonne note, alors ch' maite i li faijo eune reflexion du genre, "en grante amélioration, 2 sur 10 " nous in ricano tous , pi aprés in attindo, pourvu que che so pas nous qui appelle in préféro et' dins ché derniers app'lés, mais in s' faijo pas d illusion ch' dernier qui éto ap'lé chéto ch' chouchou, et là grand silence, in l avo pas ker