l' neiche fondue

autant l' neiche in comprenno pas, in arvenant d' l école in avo a peine l' dro d' jeter eune boule ed neiche, vu que m' mère ale v'no m arquerre al' sortie , oh i n avo bin un ou deux qui in linçottent, chéto ché moins bin habillés, mais zavaient l air ed pas avoir fro, chéto dins not' langache des "familes tuyau d' poele" ouais, "confidences" des zaut' mamans, "ah s' mère ale va pas l' querre a l école, i rintent comme y veulent a leu mason" vu que in sourdine i rajoutotent "trop occupée à boire " .......
donc qu in qu in rintro al' mason in éto a peu pres sec, vu que meme si in avo juo al' récré in avo eu l' temps d' séquir in grante partie dins l' salle d' classe
et cor faut dire qu a ch' momint là in avo des maronnes que chéto pas du jine, chéto quequ' fo ed sacrées zéponges, et là chéto nin deux tro gouttes qui y avo such' plancher del classe as' deminder si in n a pas qui faijotent un concours pour laisser l' pu grante mare par terre eune fo qui fallo s arléver pour partir
j a cor en souv'nir l odeur des pulls et des maronnes fraiques qu in sinto eune fo arvénu en salle d' classe
ch' maite i ingueulo ceux qui étotent complet'mint fraiques, mais avec l' neiche in s in rindo pas tout d' suite compte vu que chéto in s arlevant qu in avo quéu qu in sinto ptit à ptit qu in éto mouillé
mais l' neiche fondue chéto l' pire, l' neiche fondue l' hantisse des meres, i zavo bin a nous dire, fait attention , marche du que ché fondu , traine pas tes pieds, eh ché facile cha
pasque souv'nez vous mes gins, l' neiche mouillée, terripe quand qu in voulo glicher, là té pouvo glicher sur 10 mettes , et in plus d invoyo dinguer des gerpes d' neiche fondue autour ed ti; bon fallo pas querre a terre pasque la této sur d ete fraique tout d' suite
nan pi meme si té voulo pas glicher té t amuso a passer a coté d' tes camarates in trainant tes pieds cha faijo aussi d' sacrées gerpes
bilan in avo tous ché bas d' pantalons fraiques enfin quand que j' dis ché bas, chéto bin jusqu aux g'noux .....

alors eune fos rintré al' mason, mon dieu que malheur quand qu in artiro sin mantiau et que l' mère ale voyo l ampleur des dégats
in éto dja in avinche, in éto al' mote avant tout , pasque ché bas d' pantalons i s elargissotent par l effet d' l io et in avo presque des marronnes a pattes d éléphants

sans parler des chaussures que l io ale avo traversée sans problemes
et que ché cauchettes ale zétotent trempées, et que ché pieds i zétotent so bleu ou rouche selon l' couleur initiale d' ché cauchettes
ah té va attraper eune maladie , faut dire qu a cht' époque là nous in avo quand meme peur ed ché maladies, j vous in parle dins l aute sujet apres, alors in baisso l' tiete, in essayo d' dire que chéto untel ou untel qui s éto acharné a passer a coté d' ti bin eune cinquantaine ed fos et que ché pour cha que této tout fraique mais que ti t avo nin jué à cha, bin cha passo pas......et l' pire chéto l' phrasse "attints tin père quand qui va rintrer"

ah souv'nirs hein mes gins