ch' compas cor un coup
par minloute le, 17/11/2007ch' j viens d arlire ch' sujet que j' vins d' mette su ché compas
mais i a un truc qui m arviens cor et qui vient plaider pour avoir un compas normal et pas un compas ed compétition
allez avouez chti qui a pas fait cha avec un compas j' comprinds pas ou alors chéto li ch'chouchou del classe ....
pourquo un compas tout simpe, pasque d abord ,quand que ch' maite i avo l' dos tourné in faijo des concours ed lanchache ed compas
in metto ch' compas tout dro et d un coup sec et court, in l invoyo s' planter dins l' tape dech' pupitre
là in pouvo cor i juer mais pas longtimps pasque ch' maite i éto pas sourd, et quand qui intindo des coups secs dins ch' bo i faijo chti qui intindo pas et d in seul coup i s artourno et là si této pris té pouvo et' sur d'devoir arcopier eune sacrée paire ed lines et l' pire signé par ché parints, d ailleurs y a un truc que j a jamais compris, meme que nous quand qu in essayo d 'arcopier l' signature des parints , ah ouais, sinan té pouvo et' sur que ch' père i allo filer eune bonne baffe, j' comprints nin qu a chaque coup ch' maite i s in douto , j' me souviens d' min camarate baudoin qui avo fait cha, et là ch' maite i a comminché a li tirer ché vers du naziau, et l aute i d'veno tout rouche et i répondo pas, "hein ché ti qui a signé ché nin tes parints " l aute i faijo nan del tiete, mais in avo tous compris, alors ch' maite i li dijo "bon bin j' va vire et ' mere es' soir" l aute i baisso ses épaules ,chéto l' coup d' grace , bon aprés i' s'preno eune bargnouffe par ech maite, mais chéto qu un apéritif i savo que ch' pére in rintrant del fosse i allo li armette eune paire dins ses loupes
aute cosse qu in faijo tout aussi dangereux meme si cha faijo pas d' bruits, chéto d'es' servir del pointe pour faire un dessin such' bo du pupite , i suffiso alors que ch' maite i arpasse l' soir faire un tour ent' ché rangées pour l' vire, dins l' journée i auro pas vu , vu qu in s arringeo a camucher ch' dessin par un cahier
ch'ti qui éto pris ah mon dieu, chéto considéré comme dégradation d' l école i avo dro à un mot dins ch' cahier et pire encore l' lend'main i devo v'nir avec s' toile em'ri et l' boite ed cire et pendant l' récréation i "s amuso" à effacer les traces d' ses dessins
nan l' plus rigolo chéto cor ed printe l' pointe dech' compas et del planter dins l' derriere de chti qui t' précédo in montant in classe, mais eune fo ch' coup donné , t avo interet a canger d' plache sinan chéto pour ti....
que sales jones qu in a été ....