naples in hiver

al' mason chéto naples, mais quand que chéto l hiver
dins l 'cuisine i y avo des fils à linche ed ' tendus in hauteur
et quand que l' mère ale avo fait s' buée, ou s' lessiffe si vous préférez, pour faire séquir ch' linche quand qui pleuvo ou qui neigeo , ouais ach' t époque là cha nous est arrivé d avoir del neiche in décempe .... bin m' mère ale allo querre el' caielle pi ale grimpo, grimpo cha s' ro plutot vite dit , pu qu ale a jamais été à l aise quand qu ale éto in hauteur , pour mémoire quand qu ale éto jone, elle est d' 1920 bin, quand qu ale allo a l école primaire ale avo gymnastique avec mr duriez, bien connu des anciens ..... et bin ale li arrocha ché caveux quand qu ale devo faire el pout'
chéto nin min père qui allo grimper vu qui avo eune gampe raite , alors là i fallo ch' samu , pin pon pin pon comme i dijo toudis alors m' mere au prix d un effort surhumain ale arrivo a grimper et min père i devo li passer l' linche chosse qui avo horreur ed faire
eune fo ch ' linche in plache mi j' me faijo ingueuler vu que j avo ker juer a passer dins ché draps, que m' mère ale dijo toudis arrete té va casser ch' fil a faire tes bétisses et qu' cha a arrivé un coup et que minloute i s a pris eune bonne baffe vu qui fallo alors que min père i ale ker l' boite a outils dins l' barraque, grimper sul' caelle , arplanter ch' piton, ingueuler m' mère qu ale li donne l' fil qui traino a terre et s arringer pour li donner à li qui éto a plus d' 2m50 un grand momint, mais là j' diso rin sinan j' n avo dro a incore eune
mais bet' comme j su j' vous a pas dit pourquo qu in metto ch' linche dins l' cuisine, chéto si évident pour mi ché là qui i avo ch' fourneau qui tourno a plein régime