faire sin café
par annie62110 le, 30/11/2007ach't'heure te mets de l'iau dins t' caf'tiére électrique, du café dins ch'filtre t'appuies su ch'bouton et cauffe marcel!! cha s'fait tout seul
avant ch'étot tout un rituel, y avot d'abord l'fameuse cass'role à café ch'étot souvint chelle qu'al avot un cul noir pasqu'al allot in plein feu aprés qu'in avot r'tiré ché ronds à l'cuisiniére, in i mettot l'iau à bouillir avec de l'chicorée "Leroux ou Lestarquit"
et pindant ch'temps là in tournot sin café dins un bon vieux moulin in bos qui avot souvint appartenu à l'génération d'avant, et quand in tirot ch'tiroir cha imbaumot tout l'cuisine
ach't'heure in va parler de l'caf'tiére avec ses deux filtres un pour l'café et chti au d'ssus pou l'chicorée, in passot l'iau tout duch'mint, et l'caf'tiére in l'arlavot pas trop fort pu qu'al étot culottée meilleur i étot ch'café
et je m'rappelle qu'eune d'mes maitresses d'école al m'avot dit d'passer deux cuilléres d'iau froide in premier
aprés tout ch'temps là in s'deminde commint i z'avotent toudis eune caf'tiére pleine su l'coin de ch'feu !!!