Les jardinsles excursions
par nounours-94 le, 05/12/2007tous les z'ans, au mois d' juillet des fos in allot in excursion. bin souvint ch'étot in Belgique ch'étot Dadizelle, Bagatelle ou La Panne.
au 3 ch'étot ech café Georgette (dusse que j'allos quer mes bonbons in partant à l'école) qui organisot cha. al mettot s'n'ardoisse al porte ed sin bistrot, pour qu'in va s'inscrire el velle du départ, ch'étot el rituel
am' mason el velle in prénot sin bain, em' mére al préparot nos z'habits, in soupot ed bonne heure, et au lit.
el lend'main i fallot ete à 5h debout in géneral ch'étot el diminche. ch'étot les autobus Dourlens qui nous z'inmenotent, ben souvint in prenot ech car soit à mo Georgette ou ach' café Chépaniak qui étot situé in face d'el fosse 3 et ch'étot parti pour eun'journée ed détente et d'amusemint surtout pour nous les tchiots.
un cop in ar'vénant, ech bus i est qu'eyu in panne in s'a artrouvés dins un café du ? ej m'in rappele pu ej devos avoir cinq ans. in intindant qu'un bus vient nous arquerre, les gins n'ont pas pas paniqué y avot un juke box i z'ont mis des piéches à tour de rôle et i se sont mis à danser pour passer l'temps
ech cro qu'el patronne d'ech café al'avot jamais vu cha comme quoi dins l' temps les gins i s'amusotent dins n'importe quelles circonstances.
un cop comme cha asteur toutl'monte sort sin portape.....
el fin mot ed l'histoire ché qu'ech jour là in est rintré el lundi à 5h du mat'. min pére qui étot du matin i a pas été travaillé et mi jé n'sus pas allé à l'école. dusse qui est passé ech temps là !!!
