Ein' lanque à part
par roger le, 15/12/2007Ech langach dé l'fosse
Chétot vraimint ein' lanque
Faite ed blèqu's et boches
Ed bo pu qué d'planque...
Ein barou avot ripé
Ein arrayou dins s'reul coinché.
Pou l'armette su ses ral's
Pauf galibot, queu traval!
Jusqu'à pou ch'boisache
Qu'i fallot connait' el langache
Ein étançon, ein' pleume, ein bo,
Ein' racourche ch'est ein ptiot morciau...
El pi ch'est pou ches m'zures
Ein' punie d'pouches,ein queute,ein' équette.
El profondeur dé ch'bure
L'poids d'ein' gaillette...
Im'faudrot bin ein lexique
Pour mette tout cha in français.
Alors CH'ZEF ardonn' me ein' chique
Ech toubac i m'fait tout noir cracher...
Voilà ch'est fini achteur
Ches molettes al ne tourn't pu
Fini nous temps, nou labeur
In oublie même ches viux...
Jacques Leroux