Ech'soir ch'est Noël
par roger le, 21/12/2007Ch'soir ch'est Noël
Pour tous les gins d'sur terre.
Pourtant i n'votent pont l'ciel
Ouvriers in infer...
Maria a mis dins s'musette
L'chirloute rallongée d'iau
Plein sin viux boutlot
Ses tartines ed saindoux dins l'serviette...
Avec aujourd'hui,in plusse
Ein' coquile,ein' oranche épluquée.
I'zont souvint eu des russes
Mais i'z sont toudis arrivés...
Adon ch'est pont pour li
Ches pétiotes gat'ries
Mais pour sin galibot,
Ein pauf' émigré,ein peu romano...
Pou li aussi ch'est Noël
Qui là haut n'éra rin.
Ch'zef i s'fait tout miel
In li dijant "Ch'tiot, prind"
Ch'est comme à l'infant jésus
Qu'i fairot sin cadeau
Il y pinse déjà pu
Artounant au boulot.
Ech jone, les yux plein d'larmes
Simpe incor d'zous l'charme
A li qu'in donne jamais rin,
Pinsez s'il est contint...
"Ch'Zef l'bon Diu vous l'rindra
Merci du fond d'min coeur"
"Allons tiot, cha va comme cha
Ch'est pour ti Noël aussi achteur"
Quand' talheur, il armontra
I pourra raconter à Maria
El bonheur ed lu ptiot
Emigré du fond dé ch'tro...
Jacques Leroux