cor eune bebette al' mason
par minloute le, 27/12/2007ichi ché pu eune mason mais eune ménag'rie, deux tchiens, deux cats , un pichon rouge, et asteure un namstère
ché cor eune lubie d' grand mère, femme au grand coeur, l' preuffe al' vit avec mi, ale a récupéré l' béte à l école , chéto un cadeau pour la noel pour l' petite
eh mi j' connaisso pas cha , enfin j avo jamais vécu avec un namstère mais ché nin du r'pos
pourtant i a eune cage, quo que j' dis eune cage, nan ché un f2 grillagé , cha print une bonne partie del pièche , heureus'mint qu on a construit eune véranda in juillet sinan in s'ro tout incrinqué ichi d'dins
et ch l' amstère i s a vite habitué , oh la la, teu comminche à froisser un sac plastique que li i comminche à gueuler , eune sirène mes gins, pour li ch sac plastique cha veut dire qu in est in train d ouvrer l' sac a salate pour li in donner
sans compter ch' temps du que minloute i est dompeteur, ouais dompeteur, pasque y a un des cats qui s in occupe pas, mais l aute i s in f'ro bien sin briquet , alors teu l artrouffe sul' cache ou alors i essaye ed passer s' patte à l intérieur comme ech capitaine crochet
et pi ché tchiens qui voudrottent l' léquer , et pi l'soir ravisez l' vie d' minloute , teut' met dins dinch' canapé , pas un bruit té ravisse el télé , et ché là qui comminche à t' faire un boucan du diape, i queurre comme un déloyé d'dins s' cache, i freine à toute blinte in arrivant au bout, les 24 heures du mans al' mazon bon cha dure pas 24 heures mais bin un bon quart d heure .....
alors busiez bin mes gins avant d' printe un hamstere al' mazon, là i fait ses vocalisses
si té veux pas passer des nuits blanques, t'a intérêt à l'isoler dins z'eun'pièche. ché bestioles là cha vit l' nuit, ej su bien plaché pour el savoir j'in ai un enfin eun'ché eun' femelle in l'a prénommée zigomette. quand ej rinte d'travailler au matin vers 3h, al fait la java dins s'gayole...