Les jardinsrue de Commentry en 1920
par minloute le, 27/12/2007pour rappel la rue de Commentry asteure ale existe pu , chéto in d'sous d' la rue d' Maubeuge, et pas loin d' la rue d' Montataire
ché là qu' mes grands parents maternels i sont v'nus habiter aprés la guerre quand georche mon grand père , en arvenant d' l armée , faut dire qui avo pas eu d' bol i s éto marié quequ' jours avant l' déclaration d' guerre, ché là qui a eu un log'mint avec m' grand mère
mais comme chéto juste aprés la premiere guerre mondiale , ché jeunes coupes i devotent partager un log'mint avec eune aut' jeune coupe, faut dire que les log'mints del rue d' Commentry chéto pas si grand qu' cha, avec mes souv'nirs j' diro eune cuisine pi eune tchiote pieche in bas, pi aprés a l étache deux tchiotes pieches, l' preuffe ché qu aprés cha s a app'lé l' coron des veuffes allez vire, ché là qu in metto ché femmes seules
ché là qu' eune toute chiote infant ale est née, ché m' manman sul' seconte photo prisse un an aprés , toudis rue d' Commentry , ché mon grand onc' octaffe , habillé in militaire, ah i pouvo faire l' fier, i avo eu la chance d' ete incorporé aprés la guerre
( 2 photos) 
