chés zétrennes
par annie62110 le, 30/12/2007y a cinquante ans in faigeot moins reveillon pou l'nouvelle année c'qui fait que l'lend'main in étot frais et dispos pour aller étrenner l'famile, mi ch'etot pas min plus grand plaisir, j'avos l'impression d'mendier
in s'in allot à deux mi et m'tiote soeur ch'jour là in in mingeot des gaufres dins tous ché maisons, qui imbaumotent el bouillon, i n'avot eune assiette su l'table, mais les meilleures ch'étot chelles à mémére al faisot aussi des macarons et de l'tarte à chuc et surtout du chocolat bin caud
comme eune paire ed jours plus tard ch'étot m'n'anniversaire chez mémére et chez m'marraine j'avos un biau billet, min tiot porte monnaie i étot bin garni !
ach't'heure in téléphone ou in invot des emails, chés familes al sont tell'mint éparpillées qu'nouvel an i a perdu gramint d'sin charme et ch'est dommache
in tout cas bonne année à tout l'monte marie claire minloute et tous chés zamis d'histoires de chtis !