allez debout les morts .....

ch' matin i do in avoir eune paire qui doffent pas avoir l' gueule fraique , ni l'eule bin clair......sans parler d'un drole ed phénomène qui arriffe souvint la nuit du 31 décempe, ché gins i sont tout énervés juste avant la minuit, aprés sont heureux comme des jones, mais au matin, quand qu on s' leffe, in a l impression que ch' plafond i déchint ou alors qu in nous zauro laissé dormir au miyeu d un manéche à bidets d'bo , et que cha tourne mes amis , cha tourne, sans oublier l' langue ed castor qu in a dins l' bouque, à se d'minder pourquo qu ale est si rèche .......

pi aussi allez, in va et' indulgent , in va dire des nausées, ouais j 'voulo marquer "dégobiller" mais cha pourro provoquer ch' phénomène à chti qui s'ro in train d' lire l' sujet et que cha li armont'ro du fond du vinte pour finir su l écran .......

in sait pas pourquoi aussi in a pas grinmint faim, à croire que ch' jour là ché espécial, et que cha artourne aussi bin les boyos del tiete que ceux du vinte

ah!
combien d' cachets d' aspirine vont finir ch' matin au fond d un verre ........
combien d' bonnes résolutions pour l' st sylveste ed l année prochaine du type "ech boro pu autant , ché juré"

et cor y a ceux qui ont cor eu del chance del faire pas al' mason, mais imaginez ceux qui ont été s' couqué dins l' nuit , et que au matin faut emmerger pasque y a ch' repas du midi chez belle maman qu in s in pass'ro bin mais qu in pourra pas éviter sinan ché l' drame al' mason......


ouais tous ché gins qui s' leffent au matin et qui découvent l ampleur du dégat, d abord faut emmerger tout in ayant les bras qui quettent, vu que l tappe ale est cor pas débarassé, et qui a un sacré boulot in vue ....
souv'nez vous d' l odeur des bouteles ed champane ouvertes , que t eute print dinsl' nez quand que té rinte dins l' salle à minger, aprés avoir arpeint ché ouatères
ché désolant !
pi ché l' jur où té voudro bin t arposer, avoir eune journée piam piam piam piam, nan te l auro point, faut debarasser, faire l' vaisselle, t habiller, alors que ti te voudro t arposer toutes les chinq mineutes dinch fauteul
sans oublier ché gosses in pleine forme qui font des bétisses, que vot' femme al' crie sur eux et que ti té dit at' femme ,"crie pas , s il te plait , crie pas" pasque ti cha t'résonne à l intérieur

cha y est, faut demarrer, bon t arriffe dins l' salle d' bain, un consel print eune douche pas un bain, t arriv'ro pas à arsortir tout seu , ché un pieche pour ceux qui ont pris eune prone , té pourro t' noyer in t indormant d' dins et verrez les parois ale sont beaucoup plus hautes in sortant qu in y rintrant ....

cha y est tout l' monte est presque pret, ti t in profite pour et' mette dinch' fauteul tant que grand mère ale fait la vaisselle, oh comminchez pas à raler ché garnoules, nous pindant ch' temps là in a mis ché poubelles such' trottoir

d' ailleurs cha fait del musique tout au long del' rue ché bouteles vides qu ale qué au fond des poubelles et cor vous plaignez pas cha faijo cor plus ed bruit dans l' temps dins l' fond des vieles lessiveuses in fer récupérées pour faire des poubelles
vous zalliez faire un p'tit somme, bin nan faut y aller, eh ouais faut cor acater des fleurs ou un gatiau pour belle maman
ah belle maman ché nin un nom qui li va cha ....in dit toudis qu in ravisant s' belle mère , in vo s' femme dans 20 ans , bin ché pas rassurant cha .....

allez in arriffe ché belle maman, mon dieu que malheur, l' chauffache i est à fond .....un vrai sona ichi d' dins

bon à vire l' tiete des belles soeurs et des bio frères , i sont pas dins zin état d' fraicheur meilleu que l' note, cha rassure
par conte, leurs momes, ouais zavez armarqué, les gosses des zautes i sont toudis beaucoup plus turbulents qu' les notes .....

ché vrai qui sont turbulents pasque ché l' momint du qui vont avoir l' dringuelle par leu grand mère , nous in sait qu in auro eune cravatte comme cadeau mais in va s emerveiller comme chi c éto l' premiere fo qu ale t in offro eune , alors que t in a plein l' armoire et qu' t a pas cor sorti l' cravatte ed l année derniere ed ' sin étui, faut dire pour qu ale so à la mote, va falloir cor attinte eune paire d années ...

bon cha y est in a dit 14 000 bonne année, autant d ' bonne santé, qu à ch' momint d' passer à tape in pinse qu à sin lit qu in y s'ro bin resté ch ' matin ....

surtout que , surtout que, in sait c' qu in va minger, ah pouvez pas dire que vous l saviez pas, ché toudis la meme chosse d année en année
et nous parel, in s emervele quand qu in qu ale amène les zescargots, et pourtant l' finquée d odeur d ale , ale a invahie l' mason intiere, que djà t as des relents d' tin estomac, qui s' dit mon dieu que malheur , va falloir s' printe cha dins l' gamelle, alors qu ichi l'estomac i t' dit , it' fait comprinte qui a pas fini sin traval d' la vele ....
in l incourache sin stomaque, in sint qui lutte, faut dire qu arcevoir comme cha eune dizaine d escargots a l ale et qui viennent s' batte avec l' champane, l' gateau , et ché liqueurs prisses y a qu eune paire d heures, i a du mérite, bon y a des coups , it' fait comprinte qui voudro miu trouver ché toilettes vite fait pour qu au moins i vite ech' trop plein pour faire passer la suite
ouais pasque ché zescargots chéto que l' premiere intrée, aprés y a ché friands , ah les friands, ou ché vols au vent, plein d' pate à minger pour si peu d' béchamelle ....

heureus' mint y a ch' vin, bon ché vrai l' premier verre i a du mo à passer , mais après , cha va nous aider à t'nir l' coup
aprés ché ch' gigot avec ché "musiciens", bravo belle maman, des péteux , l' estomaque i va aimer cha aussi, ché léger, pi pas d' fausses notes, enfin ché eune facon d' parler
aprés ché salate, fromache , tarte, et pas question d' pas n in printe , sinan l' belle mère ale va t ' faire el gueule toute l année, cha s'ro un sacrilèche d arfuser un plat , ti té somnoles un tchiot peu dinch' divan , à moins que belle maman ale t armue d un coup pour v'nir bore ech' café, té sais qu in rentrant et' femme ale va cor et' dire, " té pas sortape, t indormir comme cha ché m' mère au miyeu du r'pas cha s' fait pas ".......

ché gamins sont in pleine forme, cha récupère vite as' t' ache là...cha continue cor à crier, mais i pourro pas dire à sin jone ed pas crier comme cha dins mes zoreles.....

bon cha y est, ché l heure du départ , chacun as' mazon, viv'mint min lit, mais in est pas glorieux quand meme, in sait qu' l année prochaine in va d'voir i passer cor au repas du midi ché l' belle mère ....