tracts électoraux
par loumarcel le, 05/01/2008Bon je n’veux pas faire d’ politique ichi, et je n’sais minme pas qui ch’est l’maire ed Bruay in ch’momint, j’raviserai après, mais quand j’étos tiot in pouvot faire del musique à l’harmonie des mines ou à l’harmonie municipale gratuit’mint pour nos parints, in pouvot faire du foot à l’USB, del Gymnastique à l’USOBL in payant qu’el licence, in avot inne piscine à Bruay dû qu’in payot que l’intrée et ch’étot pas trop cher, bref in pouvot faire gramint d’activités sans payer ou presque
quand je m’sus marié que j’ai eu des gosses in a voulu les mette à l’musique, à l’natation bref à des activités culturelles et sportives mais in étot pus à Bruay, in étot pus dins les mines in étot ailleurs dins d’aut’ régions et là j’peux vous dire qu’i fallot rud'mint payer pour nos gosses et in l’a fait.
Bin quand j’vos chés tracts là bin j’pinse que nos maires ed l’époque i faisot’nt quand minme quiquosse pou leu administrés et que nos parints i z’avot’nt pas ou presque pas d’sous à donner pou nos activités.
Je n’sais pas quemint qu’cha s’passe à ch’t’heure mais à vire tous chés gosses et grands gosses déhors quand j’ar’monte j’pinse qui faut aussi payer à Bruay pour avoir des activités.
J’espère que j’me trompe in s’qui concerne la ville.
J’pinse que chés jones et moins jones i veul’nt pus rien foute comme activité et ch’est dommach’ pour eux, l’pus gratuit comme activité ch’est ch’gardin, et in vot presque pus d’gardins dins chés corons à Bruay, ch’est trop dur à faire, alors ch’est del faute à qui tout cha ?