Les jardinsun souvenir de 40 ans passés .
par kiki le, 05/01/2008Ech souv'nir armont' à eune quarantaine d'années, ch'est in faisant du rangemint chez maman, qu'in a artrouvé eune pochett' ed papier à rouler chés cigarettes, vous savez pour faire chés fameuses roulées, avec du toubac gris ou bleu dins chés pochettes in plastique, in dirot qu' j'larvos cor min pére, après avoir diner, s'mette dins sin fauteul et de s'faire eune roulée in prenant bin l'feulle dins ses dogts et d'bin placher l'tabac et si n'avot un peu plus i l'armetot dins l'paquet.
Et là i faisot s'tiote sieste après avoir feumé s'cigarette.
Ch'est à dire, il l'avot bin mérité s'tiote sieste, i étot toudis du matin l'vé à 04h00 , ouais i préférot ch'poste là, comme cha après s'sieste i allot au gardin pour respirer l'air frais et cultiver ses légumes et intret'nir sin lopin d'tierre bin noire et grasse .
Insuite i a eu l'silicose, et là , il a bin fallu qui arrête ed feumer et depuis ch'timps là, el paquet d'feules i est resté din ch'tiroir.
J'peux vous dire qu' cha m'a fait tout drôle, d'arvir l' paquet d'feules et de l'toucher eune quarantaine d'années après.
Eune photo l'fameux paquet d'feules à roulées.
( 1 photos) 
