ch' bouillon
par minloute le, 11/01/2008nan j' va pas vous parler du vrai bouillon chti que j' mingeo in étant tchiot, savez quand qu on rinte dins l' mason , qui fait fro dehors, qui a del buée sur tous ché carreaux, et qu' in rintrant teut' print à la fos l odeur du bouillon qui imbaume toute l' mason, mais aussi l' caleur qui t'tombe su tes zéqualettes
nan , ch' bouillon là je l' conno pu pasque jla dja dit, chéto mis in route l' matin à 8h00 que quand té déchindo pour printe tin p'tit déjeuner cha faijo un bail que ché légueumes i zavottent été épluchés sur eune feule ed' journal, tout cha sul' tape del cuisine, nan, m' mère ale allo passer l' matinée à faire sin ménache, tout in surveillant ch' bouillon , in l écumant d' temps in temps
nan j' vous parle du bouillon d autocuiseur, ché bon quand meme, grand mère ale a pas ker faire à minger, eh ouais , in s' deminte pourquo minloute i s a mis avec elle vu qu ale a qu' des défauts, mais pour mi , ché comme pour ché curés, faut avoir la foi , ché un cha sert d oche
nan s' premiere qualité ché qu ale est patiente, faut dire qu avec mi
et vla j arpars pour parler d ech bouillon et j arriffe à grand mère ....
bon arvenons au bouillon, y éto bon in l a mingé ch' midi, ché vrai i avo pas trop d eules ed dins, faut dire qu ale met trop d' pétotes, mais cha cha fait 21 ans que j y dis mais j' desepère pon
et ch' soir ch' bouillon y éto cor meilleu , ale avo armis des pates à bouillons , savez ché lettes ed'dins, qu ale avo mi et fait arcauffer ch' bouillon eune fo servi
pi c' soir, récauffé cor un coup, oh que gout, chéto bon mes gins
mais l' meilleux chéto cor taleure, j ' a fini l' cocotte, arcauffé cor un coup et là min bol avec du pain d'dins et nappé d' poiv' blanc, du nanan
zavez vu qu ale a quand meme eune qualité ....
et par conte , ouais , j va vous surprinte, pasque souvint , inconsciemmint, in garte que les bons souv'nirs ed l enfance , ch' coup chi nan, j' me souviens qui a des coups ch' bouillon i tourno, faut dire qu in avo pas d' frigo et qui éto al' caffe, alors quand té pinso t' régaler et qu' t avo ch' gout amer dint' bouque , beurk ....