Les vingt-huit jours

C'est une grand'mère de 83 ans qui me l'a dicté...

Les vingt-huit jours

pour définde l'pays, in nous a fait soldats
et chés grands, comme chés p'tits doiv't marcher au pas
et, d'pu que j'sus arrivé, j'in ai vu passer des durs
J'vas vous raconter mes trist's avintures

Mo Dieu Mo dieu qu'ch'est triste d'partir comme réserviste
et d'quitter ses amours pour faire ses vingt-huit jours

ch'est du côté d'Arras qu'in nous a dirigés
et j'étos déjà las avant d'ête arrivé

Arrivés au quartier, in qu'minche par faire l'appel
et d'vint un officier qui s'app'lot Duponchel

in nous donne des habits... vire comme j'étos ficelé
min patalon trop p'tit, m'tunique jusqu'à mes pieds
j'ai l'air si rigolo, habillé in soldat,
que m' maitresse am' vérrot ... j 'cros qu'am plantrot là

In est fort mal nourris, j'vous dit in vérité
in nous donne du bouli d'el dernière qualitè
quand j'étos à m' maison j'avos du bouillon d'poule
ichi ch'bouillon qu'in a, i est clair comme du jus d'moule(*)

quand in fait d'l'exercice, y a point moyen d'bouger
à l'salle de police, in est sitôt am'nés
si un' grosse mouque vient t' catouiller l'nez
pour n'pas y mett' ses mains, y faut s'laisser piquer

in nous fait manoeuvrer in face du colonel
v'la qu'un' ed mes bertelles qu'al s'avisse ed casser
ténu d'un seul côté l' bouton n'résiste pas
min patalon i quet, in face d'mil' témoins

in voyant ch'te tableau là, soldats et colonel
i riottent aux éclats et min con d' Duponchel
i m'trouv' un air si c.. qui veut sans plus tarder
faire v'nir un photographe pour tirer min portrait

heureusemint l'colonel, i a point intindu cha
i vient m'dire, à m'n'orelle, i t' faut pas rester là
va-t'in vite au quartier, j'te donne l' permission
t'acat'ras du fil et t'arcoudras tes boutons.


(*) selon l'auditoire et/ou les lecteurs peut être remplacé par un autre mot ...