les toilettes ed cat
par MINLOUTE le, 21/02/2008ché vrai quand qu in est jone, et qu ché pu not' manman qui laffe not' raccord ed vélo (cachez pas les garnoules, ché eune chosse que zavez pas, ah ché pas la peine ed braire, nous in y est pour rin, ché Dieu qui nous a donné cha..... et pi comminchez pas à raler , zavez bin été au catéchisse, in vous l a dit, "Dieu y a fait l' Homme as' nimache et y a donné un raccord ed vélo pour picher et s amuser " plus loin té li " comme ch' l homme i s innuyo à lire la voix du nord, Dieu y a artiré eune cote , et i a fait eune garnoule pour qui s innuit pas"
zallez dire quo ché comme version d' la bibe qui nous lit minloute , eh soyez pas mauvaisse joueusse pasque zi pouvez rin et j' dirais meme que vous juez bin vot' role ....
j' arlis l' teste ed la bibe " Dieu i a fait eune garnoule pour ch' l homme pour qui s innuit pas...."
ah cha zavez bin artenu l' lechon vous , in tout cas al' mason ché l' cas
comme el' canchon "louis par chi , louis par là, louis fait chi louis fait cha"
qu' tous ché zommes qui viennent sul' site qui cange ech' prénom ed louis et qui mettent l' leur , zallez vire ché eune sérénate qu vous connaissez bin.....
cha y est j' su arparti in hors sujet , comme in voyo quequ' fo su les rédactions qu in faijo à l école .......
alors j arviens al' toilette, ché vrai qu in s' lavo in tchiot peu comme des cats
in intindo l' mère qui s inquiéto " j intinds pas l' io couler" "djà fini ?" "t as fait derriere tes zoreles"
ou alors , escusez me à l avinche mais ch'ti que l' mère ale a pas dit cha , j' le croro pas " eh t as oublié d' freiner dins tin slipe , y a cor ché traces de pneu"
mais y avo pire comme comme "vérification" , cha li prenno d' temps in temps ach' maite, à l école, quand qu on faijo eune dictée, in tout cas j a l' souv'nir ed cha, i raviso comme cha sans rin dire, pi d un coup i arrete el' dictée, et i ingueule un des eleffes qui avo d' zongues tout noir, alors i nous avo fait poser ché porte pleumes, in avo du s' mette in rang , face à li et in devo tende les mains, oh i n avo qui essayottent ed' croquer ché bouts d ongues sales pour qu il le vo pas, mais à chaque coup i s' faijottent printe, alors té devo tende tes mains d un coté pour ché zongues et d' laute pour raviser l' paume , et in avo dro à eune punition , des lines à arcopier, à faire pour l' lend'main
j' viens d'finir m' histoire i est 8 h au matin, et j a intindu m' garnoule dire al' tchiote garnoule, " teut' laffe bin, j' vo pas grint mint d mousse sur tin gant "
l' preuffe que la vie est souvint un arcomminch' mint
eune aute réflexion, la vie ale est mal faite
j' parle pour ché zommes bin sur
quand on est tchiot , in n a marre que not' manman ale nous laffe l' raccord d' vélo, in li dit "mais j' su grand achteure, j' peux m' laver tout seu"
achteure qu in est plus grand in auro ker que grand mère ale s' occupe ed nous pour faire not' toilette ......bin ale veulent pu....j 'sais bin qu' ch' arprésente plus ed traval que quand in éto tchiot, mais quand meme.....
la vie ale est mal faite j' vous dit ...........
sur ces reflexions, bonne journée à tertousse, et à méditer ......