chés boutons
par annie62110 le, 21/02/2008comme em n'homme ch'étot sin dernier et qu'al étot veuve, em belle mére al étot souvint avec mi, j'm'intindos bin avec malgré nos quarante ans ed différence !
seul'mint al avot un défaut qu'j'aimos pas gramint, al ramassot tout c'qu'al trouvot dins chés rues, épingles ed nourrice, crochets à ch'veux et surtout des boutons, comme al disot cha pouvot toudis servir!
quand al est partie al avot des vases pleins d'boutons d'tous les sortes et tous les couleurs, eune vraie collection !!
dù qu'in avot mis les hola ch'est quand in s'est aperchu qu'al gardot tous chés zimballaches in plastique, surtout ché fromaches blancs al les zarlavot et al les mettot d'coté, in l'arrot laiché faire i n'avot plein s'caffe, pour elle ch'etot des boites et heureus'mint qu'al a pas pinsé à y mettre ses boutons, in tous cas chés trottoirs d'Harnes dù qu'al passot i n'avot pu un qui trainot !!!