au numéro 3 de Bruay Labuissiere
par minloute le, 10/07/2005cha faijo eune paire d'années que j'éto pas allé in haut del' cote, du coté du numéro 3
j' eum' souv'no d'grands corons interminapes tracés d' chaque coté del' route principale
et là j arriffe in haut del cote, tout y a cangé , i m a fallu in tchio momint pour m' souv'nir de c'qui avo avant , vu qu achteure, ché des nouviaux batiments, des ronds points, des sens interdits et j' en passe
in a l'impression que ch' quartier là, loin du centre ville i est in train douch'mint ed' s éteinte
al' réflexion, in pourro donner l' meme avis pour pas mal d' quartiers d'ailleurs , ché parcs d' verdure i prennent ed plus en plus d'importance , in abat ché masons mais on arconstruit pas autant , alors qui a eune soixantaine d'années, chéto que corons aprés corons, les jones i juottent ed dans la rue, i avo pas d' coins pour s' détente ou alors i fallo monter jusqu ' au stade parc
faut dire que des jones in in vo pu non plus des masses, ché vrai ché un sujet qui arvient souvint , mais ché vraimint impressionnant ed' vire s' ville s' desertifier, in va dire ed façon positiffe cal' artrouve eune taille normale aprés la fermeture des puits d' mine
mais cha fait drole quand même .....