le patois à l école
par minloute le, 26/02/2008nous al' mason in parlo pas patois, mais j avo des camarates que l' premiere langue chéto l' patois et l' français , langue secondaire ...
alors ché vrai i zavottent toudis un tchio peu la frousse ed printe la parole quand que ch' maite i les zintérojo ....
l' aute i essayo d' bin parler, ch' maite i éto à l affut d' eune faute, nous aussi d ailleurs, faut dire que jones, in a ker et' dins ch' camp des plus forts ........
alors un coup , ch' garchon i a parlé d' sa matante, et i comprenno pas qui devo dire sa tante, nan qui dijo , c'est ma matante à moi , alors là ch' maite i l' loupo pas, i avo dro à des lines à arcopier et un cours ed grammaire in plus
et j' vous parle pas des "quand que" et des "j a été"......
in comprenno qui fallo pas parler patois, que chéto arriéré, un mauvais parlache, eune déformation du français
mais in le parlo al' récré, ou quand qu on juo dehors dins l' pature, ou quand qu on rincontro des gins des corons qu in connaisso
pi aprés quand qu on rintro au collège, in le parlo pu, et pi in jour, bin aprés , pour certains cha arsort .... l' seul coup qu in n a parlé in cours , chéto avec Mr Jean Claude Bailleul, not' prof ed français , i éto bizarre pour nous chti lale, i nous avo fait acouté du léo ferré in cours au lycée carnot, pi y avo fait un cours sul' patois du nord, in nous expliquant Cafougnette et Jules Mousseron, i avo même lu, li prof ed français, des zhistoires in chti d' vant nous
j a vu dernier'mint qui y avo achteure des cours d' patois dans certaines écoles , à croire que Mr Bailleul, i voyo dins l av'nir