l' rue des escaliers

quand qu on allo in sport au lycée Carnot, in déchindo l' rue des escayers, in rang ......
enfin nan, mais chéto bin fait pour s'guiffe à ch' prof ed sport , d' abord in apprécio pas grinmint que quand qu on avo sport in arrivant au matin, in sorto du lycée et li i nous d'mindo d' l attinte in haut del rue des escayers pindant qu' li i allo acater la voix du nord à mon del' librairie Dupont

nous in l attindo pas , ou plutot plus bas, in allo arluquer ché photos du cinéma rex, que meme ché tites d' flimes cha nous faijo marrer, ou alors ché zaffiches du qu in voyo toudis eune paire ed gougouttes dépacher, mais l' miu chéto les photos
j avo oublié d'dire que ch' cinéma rex, chéto un viu cinéma , avec des banquettes in bo que si té barloquo su tin sieche à un bout, chti qui éto cor assis au bout d' el rangée i barloquo aussi , alors si in plus i passo qu' des flimes érotiques au mieux , pornographiques l' plus souvint, cha devo granmint barloquer su'l' rangée tout au long du flime
zallez dire ah si té sais cha minloute ché que t as été vire un flime porno à mon du cinéma rex, nan mes gins , coincerez pas minloute, , in y a été un coup avec l école, nan pour vire un flime sul' corps humain mais pour vire un flime chéto bullit avec steeve mac queen

donc j arviens ach' prof de sport, qui nous ingueulo qu in l avo pas attindu , i avo du armuer s'graisse, bin fait pour li, bon in éto arpéré et si in traino l' patte aprés sul' piste cendrée in avo dro à un tour supplémentaire ......

mais in savo commint qui fallo courrir, quand qu on éto dans l' line droite face à li, comme i éto plongé dans l' pache des sports ed la voix du nord, i armonto d' temps in temps s' tiete, pour vire si in courro cor , alors in réglo not' alleure sur ces mouv'mints d' tiete ........



savez commint qu on est quand qu on est in premiere ou in terminale, et qu in fait sport
d abord y a ché files qu ale sont toutes "indisposées", que des chochottes, cha leur impeche pas d' faire des con'ries mais quand qu y arriffe l heure du sport , ché comme un bloquache, plus d' natation, plus d' courses à pied , ou alors t as l impression qu ale vont accoucher au bout du virache, pi si in plus in les zimite in courant comme des canards in les dépassant , alors là chéto l' pompon al' nous parlotent pu pindant , oh au moins jusqu au r'tour au lycée où là magiqu'mint ale zartrouvottent eune santé d infer

pauv'prof ed ' sport , pour nous juer au volley, au baskett, chéto les vagances, in avo pas l esprit ed compétition, nan in raviso plutot ché gougouttes des files, ou in s' marro comme des baleines si in n avo eune in short et qui y avo du gambon autour ed l' oche ........

qu in éto cons, et que cha devo pas et' toudis facile pour ch' prof ed' sport , in fait chéto plutot un berger, ou un gardien d' vaques à compter sin troupio in sortant du lycée, in l arcomptant in arvénant et in l arcomptant avant d' pacher ché griles du lycée
nous in avo eune combine, in rintrant du sport, in s' metto dins ché derniers et eune fo armontés au niveau des escayers , in rintro vite au café "ch'ringard" pour boire eune biere, qu in buvo ou plutot qu in faijo dévaler dins ch' vinte à eune vitesse , pi in artourno dins l' rue , et in couro , in rotant bin seur, pasque l' sport, l' fatique, eune bonne biere froite, et armonter in courant, cha faijo que l' stomac i s artrouvo au niveau des poumons et j' peux vous dire dins l' rue là, cha résonne, ch' maite i avo arreté tout l' monte au niveau d' chez legrand ch' marchand d' musique, et in arrivo à toute blinte , pasque in n avo toudis un qui avo eu sin lachet d' défait ......

quand j'lis Minloute j'ai plaisi à min coeur. Notammint l'cinéma REX. Figurez vous Minloute que mi aussi j'étos à Carnot et j'a été vire BULLIT avec Steeve Mac Queen à ch'cinéma.
J'avos querre el cinéma Rex. Y'avot toudis des films qui sortotent ed l'ordinaire. Y'avot un' gayole au milieu duq'ché qui vindotent chés tickets et pi ech bar à coté.
Ch'prof de sport ch'étot un gros balaise qui nous faisot courir autour ed La Lawe. In pouvot pas tricher car i nous faisot courir d'un pont à l'autre. Que d'souvenirs mes gins...