l' tape la suite

hier au matin , min sac i éto pret del' veile, j ' eum' préparo, et merte... j avo oublié m' paire ed cauchettes....obligé d' monter in haut dins l' champe pour in printe eune paire dins l armoire
problème, si j' monte in haut , grand mère ale va m intinte et m arparler des' tape à poncher .....
alors jl' a jué fine , j a monté comme un linsque, un tigue dins l' jungue qui s approche des' proie sans faire ed bruits, aut' problème dins l' champe , i a aussi ché deux mertes qu ale dorment , savez ché tchiens saucisse tout tchiots et qui gueulent pour un rin,cha chéto un deuxieme danger

j ' rinte dins l' pieche, j intinds comme un souff' d' baleine, ouf, j' su rassuré , grand mère al' dort, ouais al' dit que j' ronffe mais al' sa jamais intindu , et meme si mi et ses infants i li dissent , nan qu ale dit j' ronffe pas.... zavez vu min calvaire ...
donc j' rinte dins l' pieche, j' fais attention d' pas marcher sul' trosieme latte du plancher qu ale couine, ché tchiens i leffent l' tiete mais sans plus , faut dire que j a fait min grand sourire commercial ..... j' ouffe l armoire tout douch'mint mes gins, avec un soin et eune précision chirurgicale, j' prints l' premiere paire ed cauchettes qui vient, j arferme l' porte, l' baleine ale souffe toudis, j arriffe au niveau de l' porte d' l escayer, que j intinds "hé bonne marche mon chéri , à s' soir ...."

j a été surpris par deux chosses, d abord, in s' méfie pas assez des garnoules, ti teu monte comme un linsque , et elle , ale est tapie comme l' serpent cobra , pret à morde et in attindant s' proie tout tranquil' mint
pi l' deuxieme coup que cha m a surpris , ché qu ale m a dit "mon chéri" cha ché quand qu ale a quéquosse à d' minder ....... mais quéquosse qui va m' faire tchier ché sur .....
j 'm' artourne tout douch'mint , et j y fait un sourire jusqu aux zoreles, "ouais j y va, as' soir" et j' dévale pas ché marches à toute blinte, mais j' traine pas quand meme, pourvu qu ale m arpale pas del tape, pourvu qu ale m arpale pas del tape ....... nan , pas un mot, j' prints min sac, mes godillots , j ouffe l'porte, j' lonche s' carette , j va ouvrer ch' portal pour rintrer dins l' carette qui a garé d'vant l' mason , et là j intinds " à ce soir mon amour, n oublie pas l' tape ...." ale éto ale farniete del champe ........... zavez vu qui faut toudis s' méfier d' ché garnoules ....