ch' transistor

cha fait drôle mais j' me dis qui va falloir expliquer aux plus jones c' que ché un transistor, j a fait l expérience avec min "tchiot" qui est plus grand qu' mi, un transistor? bin i savo c'que chéto .... et pourtant cha a été eune sacrée révolution pour ché adolescents dans les années 60

un poste ed radio, mais sans fil à la patte....fini d' devoir rester dins l' pièche in bas , dins l' bruit ou dins ch' passache ed ché gins, fini d alleumer ch' grand poste, d atteinte que ché lampes al' cauffent à l intérieur et que l' leumière du voyant sul' devant d' l appareil , al' devienne verte presque fluo
fini les r'proches du genre, mets moins fort, quo ché t écoute, que musique ed' sot, tin père i veut acouter sin journal, nan ché l heure du feuilleton radiodiffusé

le transistor, tchiot appareil qui a été eune vraie révolution, qui a presque favorisé l émancipation des jones

d' abord té l im'no du qu' té voulo, donc té pouvo t isoler dint' champe , acouter c'que té voulo, pas et' tributaire des zautes qui voulotent acouter aut' cosse, cha t' permetto aussi d' eut' créer un peu un monde à ti
mi j' me souviens , au début des années 70, j acouto le hiteparate d' rtl avec andré thorent , et tous les soirs j' craigno qu' m' canchon que j' préféro ale so pu dans les chinque premières ...
pi chéto moderne, t ouvro ch' bouton, et ringue tout d'suite t avo ch' programme...... bon bin sur t avo dro à "met moins fort in s intind pu in bas "
nan pi chéto aussi un moyen d' s affirmer, té pouvo aller t' laver et printe ch' poste ed radio pour acouter tout int' lavant, que lusque .....
nan pi chéto aussi un moyen d' dragache d' ché garnoules, combien que j in a vu des jones qui arrivotent sul' plage ed merlimont, l' transistor al' main , faut dire aussi qu' i y avo des parints qui l' im'notent aussi, mais là , i éto protégé dins s' n étui in simili cuir, mi j' dis en bébé skaille......
deuxieme révolution i zont été d' plus in plus tchiots tout in braillant aussi fort , là i zétotent d un format d'eune quinzaine ed centimetes sur 7 ou 8 centimetes, mi j in avo un del marque Optalix
et là parel, t avo un étui avec eune dragonne et teu pouvo faire tin fier avec "crane pas tin père y est chauffe" qu in dijo quand qu on in rencontro un dins l' rue avec sin poste
pi ch' t invention formidape ale a été dépassée par ch' magnéto à cassettes, eh ouais, té pouvo acouter que l' musique que té voulo , té pouvo personnaliser tin programme en quelque sorte
au début parel, i zétotent énormes, chéto ceux avec deux grantes bobines , pi avec l arrivée des tchiottes cassettes, i est d' venu portape ... j' vous parle d un temps que d' avoir un téléphone dins' mason chéto pas courant, chéto y a 30 ans
mais quo qu' cha n est 30 ans en ravisant toutes ché transformations dins ché médias et les moyens d' communications
in allant vite in a eu l' périote du que l' "transistor" i a évolué , et paradoxal'mint i a arpris du volume, ouais chéto l époque du qu' té voyo ché jones avec ch' postes FM, nan pas fusil mitrailleur, mais modulation de fréquence..., avec des gros parleurs énormes, et qu' d'là t intindo del' musique ed sauvaches sortir ...
achteure in arfait dins la miniaturisation, portape, mp3 et tout et tout, mi j' su sur que dins eune paire d années cha s'ra encore plus pitit, ouais cha s' ra implanté dins tin corps , et pour canger de station, t aura qu à lacher eune caisse rigolez pas mes gins, in a vu d autes cosses qu ale paraissotent impensapes qu ale sont bin arrivées
donc pour l av'nir, minger des haricots .....