Les jardinsdrachée
par minloute le, 04/03/2008ciel chargé , "mon dieu ravise ch' qui vient par là", "i va tomber d' zal'bardes", ti dins l' mason et dins seul coup , i fait tout noir, coup d'tonnerre, "j' va cacher ché bougies au cas du ...." dins seul coup , l' drachée ale arriffe, drue, compaque, à v'nir claquer su ché vites, "mon dieu que malheur, j' les za fait hier ", té ravise dehors, l' pluie battante qu' ale vient cingler tout ceux qui sont cor in route, ché pochoirs in plastique transparent sul' tiete, ché matrones essayent d avincher l' vint et l' io dins l' guiffe, l' aute i s' bat avec sin parapuie, ah chti chi i s' met à l'abri comme i peut derriere ch' potiau in béton ... ceux qui sont à mobylette i roultent avé ché pieds prets à poser à terre, phares alleumés pour ché carettes .....
sul' route l' flotte al' fait des clops clops, y n a tel'mint qui qué que ché zégouts sont comme invahis par des fleuffes
"ché bon pour ché gardins" "ah mon dieu , ch' linche i est cor déhors" " bin té sur qui est arlavé achteure"
comme cha a v'nu , cha r'part, comme si dinch' ciel in passo l' éponche magique, seuls , ché zégouts font cor glouglou, ché femmes al' s armettent in route in armuant ch' popotin comme pour faire querre l io qui a traversé leu garbardines .......
mais comme in est dins ch' nord in n est pas à l abri d' eune aute drachée bintot ......
