Les jardinsmin premier transistor
par annie62110 le, 04/03/2008dins les années soixante in revot tertous ed d'n'avoir un, seul'mint ch'étot pas facile bin que j'travaillos les parints i trouvotent que ch'étot pas utile!!
et pi un jour i s'est trouvé que m'voisine al devot aller au mariache et qui li fallot eune robe et mi cha j'avos dins m'n'armoire, ch'etot chelle que j'avos eu pou l'mariache de m'cousine, ch'étot l'genre ed robe qu'in porte un cop et qui finit s'vie dins l'garde robe dins eune housse in plastique
et là ch'miracle i est arrivé m'voisine al m'a proposé un échange l'robe contre eune tiote radio à transistors, j'étos aux anches, je l'trainos toudis, avec mes copines in écoutot Salut les copains, in s'cotisot pou ché piles, je m'rappelle qu'i étot gris clair et bleu avec eune poignée pou l'porter, ch'étot pour mi à seize ans l'chose l'plus importante que j'avos eu, et j'l'ai gardé longtemps !!
