Les jardinsLes Terrils
par Marie-Claire le, 05/03/2008Les Terrils, Poésie de Marceau Dégallaix 1909-1985
Du Pas d'Calais jusqu'à dins ch'Nord,
In les vot tertous alignés,
Marquant tout l' pays des efforts
que ché mineurs ont toudis faits.
Y in'a des ronds, des pointus,
des ceux qui sont pus allongés.
Combin d'infants ont jué d'sus
Malgré qui avot du dinger !
Y in'a des rouches et des noirs :
L'couleur ch'a fait leu qualité.
I n'ont jamais pris fu, ché noirs,
Tandis qu'les rouches i ont brulé !
In dit qué l'fu, faut d'n'avoir peur.
Pour chu qui in est d'nou terrils,
Si n'brûl'tent point, ch'est un malheur.
Tous les gins vous l'diront, ichi !
A ch't'heure in veut les imbellir
In y plantant des tiots arbus :
I paraît qué cha féra v'nir
Des vacanciers qui iront d'sus !
cha s'ra, fort certain'mint pus biau,
Mais cha much'ra la vérité :
Des terrils verts ! Cha s'ra nouviau !
Ch'n'est point pour cha qui tottent faits !
Croyez-mé ou n'mé croyez point :
A tous les cops, quand j'arviens d'long,
Qué j'arvos les terrils d'min coin,
Eh bin... min coeur... i fait un bond !!
Extrait d'un recueil de poèmes "Essai de rimes"
Marceau Dégallaix est né à Anzin, fils de mineur, instituteur à l'école des Houllières à Rouvroy, puis secrétaire au service géologique des mines. Il reçut de nombreux prix et diplômes de l'académie d'Arras, de la société des poètes et artistes de France.
