les quat' étoiles du guide michelin attribuées à grand mère
par minloute le, 05/03/2008cha existe te pas zallez dire, quat' étoiles au guide mich'lin, cha s' arrete à trois
nan ! l' seul indro du qui a quat' étoiles au guide mich'lin, ché am' mazon...
indrédonape, inégalape qu ale est grand mère, à se d'minder quo qui font d' leu journée dins ché restaurants d' prestiche , savez qu on qu in va dins l' cuisine i sont chinquante derriere ché fourneaux, l un pour gouter l' sauce, l' aute pour drecher ché pichons, l' aute pour préparer l' viante, l' aute pour préparer ché zassiettes ......
mi j' vous dis à tous , vous ché grands chefs, bocusse, ducasse et companie, vous payez du personnel à rin foute ché mi qui vous l' dit
j' y faijo l' reflexion aujourd hui,djà ch' midi i éto 11h55 am' dit "quo qu' té veux minger minloute?" "té veux saucisses lentiles ou choucroute ?" j a hésité pasque ché del préparation tout cha , pour l' choucroute, faire mariner ch' chou, cuire ché saucisses et ché pétotes, j' m a dis nan in va printe lentiles, pasque là t aura qu à les faire tremper
ichi pas b'soin d' faire tremper cha durant eune partie del nuit, j' sais pas commint qu ale fait, ché un secret, meme pour mi , am' dit "reste dins tin fauteule j' m occupe ed cha " bin mes gins in moins d' chinq mineutes, chéto pret, quand que j' dis chéto pret , ch' veut dire que j avo pu qu à mette min tchiot derriere sul' caelle tout y éto, tape dréchée, io et vin sul' tape, sel et poiffe, moutarte, couverts assiettes tout y éto, impecappe
et tout cha toute seule pas b'soin d'eune brigade comme i dissent, ah nan , toute seule qu a fait cha
et c' soir am' dit quo qu' té veux minger , i éto 18h30, ouais ichi chez minloute in minche tot sinan j' fais eune crisse d aspoplexy
alors mi j' dis "bin eune salate ed pétotes avec des zeu pi des miettes ed thon" là am' dit , affalée dinch' canapé, "si j' te fais cha in minche à 7h30" j allo li tomber d'sus pi j ' m a arpris, ale pourro cor servir, "j' te frai cha d' main" cam' dit avec eune main d'vint sin visache, ouais pasqu ichi cha qué dru si cha va pas (là ale minche sin youyourte ed vant la télé , j' me dépéche quand meme , pasque si ale vo l' mot grand mère in passant sur l ordinateur, ale sait achteure que j' parle d elle)
"alors quo d aute " qu am' dit alors j y dis so des chicons cuits ed dins l' cocotte, ou alors des pétotes avec les zognons
bin savez , comme al' savo qu ale éto in faute, a sa dépéché, bin in moins parel d' chinq mineutes, l' plus long qu ale m a avoué chéto les zognons à cuire, et vla dins m' n assiette des pétotes toutes pareles, épluchées, toutes calibrées, et combe ed perfection avec ale avo fait des crèpes fourrées
bin am' surprint tous les jours, meme ch' guide mich'lin y a jamais vu cha que rapidité , imbattape ej' vous dis
y a un truc quand meme que j' trouve bizarre ché quand que j' va met' l' sac poubelle dins l' poubelle , i fait gling gling comme si t intindo un bruit d' boites ed conserffes, mais j' sais nin ch' qui fait cha ........