l'ancêtre du mp3
par nounours-94 le, 07/03/2008Ej pinse que tout l'monte, i s'souvient du "mange disques". ch'étot eun'espèce ed boîte in plastique, avec eun' fente au milieu i suffisot d'intiquer el 45 tours ed dins et hop! en in avant la musique.
l''avantache ch'est que cha fonctionnot à piles, l'inconvénient chétot: que si in voulot es balader avec i fallot es prom'ner avec es valisse ed disques.
j'in ai ar'treuvé un dernièremint sur eun' brocante qu'éj m'sus impressé ed racater, j'in avos un dins l'temps mais dusse qui a passé mystère! quand ej l'ai ram'né am' n'appart' et que ej l'ai mis in route, min garchon qui étot dins les paraches quand i a intindu ou putôt vu "l'engin", i s' demandot c' que ch'étot
quand ej'i ai expliqué, in bon père ed famile qu'ej sus à quoi cha servot ché tout juste si i m'a pas traité d'arriéré. i été quer es n'espèce ed thermomète et tout in l'agitant sous min niaf i m'disot tout in s'moquant ed mi : "c'est ça le progrès papa"
que voulez vous réponte à cha....