Les jardinsdinl' barraque
par minloute le, 10/07/2005j 'dijo que min père i jeto rin, ché vrai, i avo cor dans in coin i a pas longtemps in vieux pot d' champe, un d' ceux in fer qui faijotent gling gling gling quand té picho d' din la nuit ....
in j'to rin, la devisse, cha peut servir ......
mais i avo des circonstantes atténuantes, i avo été chef magasinier
toutes ché boites in fer d' gatio ale zétotent réquisitionnés, i gardo aussi les emballaches vites des biscuits apéritifs, et d'dins i metto ché clous, ché vis, ché pitons, les attaches pour cades, les attaches pour ché barres à rideaux .....
mais l' temps i avo raison d' sin rang'ment, ché clous i rouillottent et i a des coups quand té voulo récupérer un seul clou bin y avo tout ch' paquet qui v'no avec, avec el 'roule i s étotent soudés
et pas question ed ' li faire un tri din ses boites, malheureux ! té toucho à quéquosse ed sensipe ......
alors in a attindu qui nous ait quitté pour faire ech ' tri .... in les a ch'tés mais pas sans nostalgie quand même .......
