Les jardinsun air d'accordéon
par PISAREK le, 12/03/2008Min père i prénot ch'bus à NOEUX pour aller al'fosse 4 ed LENS, dù qui a eu un accident en 1976 et à partir de cette date, i n'a jamais pu r'dechind' au fond puisqu'i avot été grièvement blessé.
Ch'a m'est arrivé plusieurs fois ed courir jusqu'à l'arrêt d'bus passeque min père avot oublié sin boutelot ou sin baton d'roll. J'su monté d'inch bus et j'ai fait eun bais' à min père et là y avot tous ses copains, même que j'me souviens un jour in n'a un qui m'a dit, restes avec nous tchiot, viens al fosse.
Mais j'su vite r'parti in courant, bien sûr que min père i'n'voulu pas que j'travaille al'fosse.
Mi, j'étos curieux mais min père i'n'parlot pas beaucoup d'sin travail. Pourtant, un jour, i m'a raconté que dins ch'bus, y rigolottent bien, i s'racontottent des cafougnettes pour passer l'temps
et qu'un de ses copains qui étot surnommé ch'gus ed BARLIN, i prénot s'n'accordéon et qui juot din ch'bus.
Même qu'un jour, min père i féjot briquet avec ses copains et i s'demindot si i n'étot pas en train d'devnir fou passqu'il intindot encor juer d'l'accordéon au loin dins l'bowette. Alors ses copains pi li i z'ont arrêté ed'parler ed' minger et ont écouté l'accordéon à 700 m sous terre. Et i zont su bien après que ch'gus i étot dechindu avec s'n'accordéon. Si y a de'l famil' de ch'fameux gus qui sin rappelle, j'sros contint d'avoir un contact.
