l' fondue bourguignonne
par minloute le, 12/07/2005quo qu' cha vient faire ichi l' fondue bourguignonne ? i dérape cor minloute ! ouais bin non
ché un sujet pour ché plus jones
i a 45, 50 ans ché r'pas chéto du classique, del soupe l' midi , l' soir, des pétotes, cor des pétotes , pi des frites, pi du lard, du biftèque , del salate, du fromache , del biere, pas trop d' vin , du gigot, du porc, bref du classique
pi tout douch'mint cha a comminché à évoluer , in in parlera in aute coup
j a pris l exempe del fondue bourguignonne...... bin in connaisso pas cha , pi un jour ché d' venue l' mote, quand té devo inviter quéqu un et que té voulo faire jeune , dans l' coup, bin té faijo eune fondue bourguignonne
oh comminchez pas à faire les fines bouques, dins vos caffes ou vos greniers, à coté del yaourtiere,l 'machine qui faiso les youyourts, bin vous zavez tous , in a tous in appareil à fondue, et in s in sert pu .....
cha a été à la mote
cha a permis à nous ché rustres ed nous apprinte à évoluer , ché comme plus tard i a eu ch' l appareil à raclette , j ' dis pas qu in l' sort pas l hiver chtila, pasque des pétotes , du fromage caud, des cornichons, des oignons et du lard bin cha l' laisse minger
pi y eu des produits parels qu achteure in minche sans y faire attention mais qui a l époque chéto eune révolution exempe l' couscousse
et un dernier exempe pour la route et ch'ti là i m a bin fait rigoler , un jour j éto en stache ed dans l' nord avec des jones vendeurs et in va din zeune caféteria , et i avo écrit chili con carne, bin i n a un qui s a esclaffé, i zavottent du faire eune faute, chéto marqué con
in li a expliqué c' que chéto , bin ina pas voulu in minger des haricots rouches, ché pas normal qui dijo .....