s'zexpériences transgéniques

cha a comminché y a eune paire d années, qui zont pris eune brebis ou eune maguette ej' sais pu , pi qui l ont cloné, cloné ché comme chi té métto du papier calque, t obtiens l' meme résultat
mais taleure in ravisant l' cont'nu d' em' n assiette, j a vu qui zavottent incore pu loin..........
djà dans les années 60, j' va vous faire un tchiot cours de biolologie, i zont crosés des pichons d' toutes sortes, pi zont selectionnés, i zont fait comme pour ché tchiens,tout cha pour créer eune nouvelle race
l' but chéto quo, pour gagner du temps et savez que gagner du temps ché parait il gagner d' l' argent , donc l' problème chéto pour les zindustriels du pichon ed trouver un pichon qui rinte directemint dins ché boites rectangulaires in carton, et ché pour cha, j' l apprinds pour les plus jones, qu à forche ed crois'mint d épinoques, d' saurets, et merlans, que ché espécialistes i zont réussis toudis à forche ed crois'mint d' espéces, à créer un nouveau pichon, sans zaretes, pu b'soin d' s imbeter al' vider, sans zeules, pasque ché ménagères ale zavotent pas ker artirer cha avec un coutiau, d' eune longueur toudis l' meme, pour que cha rimplisse bin l' boite, l'avez d' vinez, ché l' pichon pané
cha vous fait un choc d' savoir la vérité sur s' n origine mais ché comme cha que sa cha déroulé, et pouvez avoir confiance in mi, jamais que j 'os'ro met' eune carabistoule such'site ....
bon cha a été un choc au début d' minger des pichons comme cha, mais ché vrai que la vie ale a évoluée, in tout cas cha va d' plus in plus vite, qu in a jamais l' temps d assire sin derriere, qu in est toudis in r'tard d' eune mote, d' un apparel electrique révolutionnaire, sans compter tous ché nouviaux produits qui arriffent sul' marché, à accroire que ché retete, ché cor pas suffisant ...
j ' arviens à aujourd hui, grand mère al' met dins m' n assiette des touts chtiots pichons panés, mi j' minche cha et bizare ch' gout cha n arsonno pas à du pichon
alors am' m explique , cha s appelle des neuguetses, cha arsonne à des pichons panés, in fait ché un crois'mint d' pichon pané et d' poulet, ouais qu am' dit ché cor eune avinchée, dinch poulet y a d'zoches, et comme l' population al' vieillit et que ché gins i viffent pu vieux, cha n impeche pas que ché dints i quettent quand meme ..donc à forche ed vire des dintiers accrochés à d' zoches ed poulet, in a rap'lé ché biolologistes et in leur a dit "zallez pas vous arposer cor mes gins, chéto bin l' pichon pané comme invention, mais là faut faire quelquosse avec des poulets " bin cha a pas été évident imaginez ché biolologisses essayant d incrinquer l' raccord ed vélo du poulet dins l' pichon pané, parait qu'ché zimaches ale sont terripes, mais l' plus zimportant ché l' résultat, et i zont ap'lés cha des neugetses ...............