que cachotier nounours-94 !

El monde du net et du net ch'ti in particulier i est pétit ... j'a appris in navigant .. qu'in avot un contributeur qui s'mariot d'main
Alors in va li souhaiter tout l'bonheur possipe, in sait déjà qu'après 20 ans ed vie commune el décision ale dot ete muremint réfléchie ...
Del part d'histoires de ch'tis , tous nos voeux d'bonheur à nounours-94 et à s'femme

ché vrai comme marie claire vous l'avot annonchée, j'em sus marié sam'di. in s'est dit avec em garnoule quand t'on s'a mis in ménache insempe in 1988: "si dins 20 t'ans in est cor insone ins'marira". donc sam'di in est passés devant monsieur l' maire j'avos peur qu'al dise nan parc'que ch'est mi qui avot payé chés z'alliances et que j'avos peur ed pas les z'arvinte (ej profite qu'a l'est pas là pour écrire l'artique sinan j'auros l' drot am'première scène ed ménache)
in avot prévu eun' cérémonie simple 2 témoins ed chaque côté, insuite minger au resto avec eun' paire d'amis(es),et mes musiciens, insuite arpasser boire un verre chez l'un d'eusse parce que li i a eun' grante maison ché là qu'in répète et que tout l'matériel ed musique i est intreposé, tandis que nous in vit in appart'
et quand on est arrivé là bos "surprisse, surprisse" y avot pu ed cinquante personnes qui nous z'attindotent pour faire la teuf, mes "enf..." ed musiciens quand i z'ont su qu'in allot es marier i se sont dépêchés d'es cotiser et d'inviter tout nos amis(e) à notre insue.
cha fait qu'on a fait bombance tout l'nuit jusq'à 7h du mat. ej vous détaillerez pas el liste ed cadeaux qu'in a eu mais i a int'raute eun' boîte ed quoi vous savez, un boîte ed cassoulet parce qu'i savent qué j'a ker cha etc.. cha fait qu'in est rintrés i étot presque 9h du mat' el problème ch'est qu'in n'a pu vingt t'ans mi ej va n'avoir 49 em femme 47 pour récupérer ché dur,dur.
i a eun' chosse que j'ai pas fait el jour du mariache ché ed ed faire d'el musique, cha porte malheur ej sus pas superstitieux mais hasard ou coïncidence j'in ai fait l'amère expérience alors j'ai préféré m'abstenir.
voilà , nous v'la arpartis pour 20 t'ans et j'espère peut ete plusse mais cha ch'est l'destin qui in décidra!!!!
j'ai oublié ed raconter em nuit ed noces mais ej m'in rappelle pu!!!