Les jardinsch'cach'à loques
par PAILLART André le, 13/04/2008Ch'cach'à loques.
Y ramassot des chiffons, des gros oches, des pieaux de lapin, de l'vielle feralle dins eune baladeusse, eune cariole ou un cabriolet qu'y avot li même transformé pour cha.
Dés qui intindotent " A loques, à loques " ou bin core " Pieaux de lapin, pieaux " ou qui veyotent s'cariole rintrer dins ch'coron, ches infants allotent quèrent à leux masons, les chiffons qui avotent préparés et camuchés du miux possibe, ou y furetotent dins tous ches coins de l'mason pour chiner des viux habits, des pièces d'linche usé.
Quo qu'channé qui devot leur donner in échanche pour que ches gosses i soient si excités !
Des éventales in papier, des tiots drapeaux, des moulins à vint montés sur eune tige in bos, des cerfs-volants, des mirlitons, des ballons de baudruche.
I offrot aussi des friandises, des batonnets qu'in appelot " tablettes ", des rubans inroulés, les " kilomètres ", des tout pitits biscuits, les nics-nacs.
Ch'cach' à loques leur présentot tout cha avec ses mains crasseusses qui avotent touché des choses inqualifiabes in termes d'propreté, mais qu'ch'étot bon !...
Che mères, alle étotent aussi de l'partie, alle cujissotent de l'vaiselle: des tasses, des assiettes, des bols, des verres...
Sources: "Bruay en Artois et sa région de 1918 à 1945" de Charles Toursel (1980), que j'ai adapté en ch'ti.
Charles TOURSEL était professeur honoraire du Lycée de Bruay en Artois, Président honoraire de l'Association des Anciens Elèves du Lycée, Membre de la Commission Départementale des Monuments Historiques.
Cet ouvrage tiré en 4000 exemplaires a été édité par les anciens élèves du Lycée Carnot de Bruay en Artois
