belle manman à la plache

i n a qui d'minte des nouvelles dem' bel' mère, cha va.... enfin j'cro
mais hier j' pinso à elle quand qu in avo été al' plache avec elle
bon là zallez dire , ale peut pas dire que ché pas plat, i a pas d' viraches , ni d'ravins,

nan, mais y a la mer

comme j y diso, si ché pour v'nir al' plache et avoir peur d' la mer, ché quand meme un paradosque

faut dire as' décharche que par chi ché pas souvint calme, ou plutot quand qui mettent ichi ch' drapeau oranche, t as interet à avoir mis quinsse kilos d' sape d'dins tin snipe ed bains pasque cha armue, i a d' sacrées vagues

ichi ché vrai té peut pas printe un bain d'pieds comme in fait sul' cote d opale, nan, ah si té peux , mais alors té peux et' sur qu à peine t a fait eune paire ed met' l'long del plache que t' maronne ale est trempée, pasqui a des vagues qui arriffent d un coup à hauteur d' genoux sans prév'nir

bon in arriffe sul' plache avec belle manman, faut trouver pour elle un indro pas loin des mait'nageurs , pasqu i faut qu' ché ptits zinfants i puissent et' secourus tout d' suite, mais in meme temps au moins à 30 m du bord d ' lio, ouais in sait jamais un tsunami cha pourro arriver ....

pas toudis facile à trouver pasqui a du monte par chi et l' mer al' s artire un tchiot peu mais pas comme à merlimont voyez, que quand te va t' baigner à marée basse et qu ale est "bonne" comme on dit, donc 20 ° maxi, si t a pas prévu t' serviette au bord de l io, t artourne at' plache que té un vrai frigo

bon in trouffe eune plache, ale avo dit as' file bin in va s' mette ichi y a pas personne, i a fallu li montrer par a plus b que chéto ch' couloir balisé du que personne i devo s assire pasque chéto l' passache pour l' carette des mait' nageurs

in trouffe l' plache , et là ti teut' dépéche d' aller t' baigner, pasque quand qu ale va à la mer, li faut sin parasol pour l' protéger du solel
la vécu ch' parasol, bien voyant ch' parasol, des bantes marrons foncé et blanques et sur chaque partie blanque eune publicité pour du café que l' marque al' existe te pu d' puis 20 ans au moins
bon cha a in avantache quand meme, quand t arsort ed l io , té l arpère tout d' suite
mi j' va m' baigner ale dit rin, mais si sin tchiot fils qui avo 16 17 ans ach' t époque là i li allo, i devo attinte qu ale li fasse eune flopée d' arcommindations, comme chi chéto kiki caron qu ale parlo
mais alors quand ché l' tchiote qui avo 4 ans ,là ale veno au bord del plache, bon fallo avoir prévu dins ch' sac ed plache un palan, pour qu ale arriffe a s' dessaquer, à s arlever sans qu ale s appuie such' parasol , là ta interet à ch' qui a eune sacrée marche ed maneuffe pour qu as' lève, ché nin du premier coup, savez cha m' faijo pinser à ché camions insablés dins l' paris dakar, bin là parel, i a des coups avec m' femme in s a d'mindé si in allo pas avoir arcours à des pelles ........
bon cha y est ale est d' bout, là faut qu ale artrouffe sin équilibe, s' file a li donne sin bras sinan ale va s' rétaler sul' serviette du voisin, rigolez pas cha a failli arriver, j'a eu peur pour l' monsieur, un tchiot tout maique, bin j' sais pas c' qu in auro récupéré aprés qu in auro arlévée belle manman ......
in arriffe au bord d' l io, nan in est cor à 10 m que l' tchiote ale devro li donner la main , qu as ' laisse pas faire et que dés qu ale a mis sin pied dins l eau au niveau des ch'villes , faudro qu ale fasse demi tour

bon ale va vite es' rassoir , pasque "j' sais pas c' que ch'am fait , j' su oppréssée" cha cha cange pas ...

ti t arviens d' l'io, ché tout juste si t as pas attrapé l' peste pasque té mouillé, té l acout'ro té devro printe l' serviette qu at' lincero et t iro t essuyer à deux chint metes...
i a un avintache avec belle manman ché qu ale fait l' conversation, l' miu ché quand qu ale a acaté un "gala" ou un "voici" , a va t' l éplucher à vox haute bin sur que té saura tout c' qui a d'dins del premiere al' derniere pache

mais ché pas là que ché l' plus amusant ché quand qu ale ravisse les zautes autour, am' mote qu ale s a pas vu dinch'miroir d' puis un momint, mais t intinds du genre "mon dieu ravisse ichi, l' viele les tototes à l air, ché ridicule, ché pu des tototes ché des gants d' toilette" ah que j' dis " pour un coup savez raison mamy , ché nin vot' cas , et j' vous armécie et ch' bon dieu aussi que vot' file ale a plutot pris d' vot' coté" j a dro à des hauss'mints d épaules mais au moins ale dit pu rin pendant 30 secontes , et savez 30 secontes sans radio mamy, cha fait du bin

par conte si mi j in vo eune bin sul' plache, j'fais d'expres d'armette eune couche, "chel' là mamy, y a rin à dire" et j' conno la suite par coeur "ah ché zommes sont tous parels, ale est cor bien m' file, zétes toudis in train d' met' vos ziu du qui faut pas , tous des cochons et patatit et patata" mi j' dis rin mais j attinds, oh pas longtimps ,vla ti pas qu ale ravisse ed pres ché mait' nageurs " oh y est bien chtilale avec sin ptit snipe, meme que j' su sur qui a du met' eune tale in d'sous pour faire arsortir sin paquet ".................

j' sais mes gins , zétes comme mi , abasourdis, mais ché la vérité vraie

"ah là mamy, pas b'soin d' leunettes, ché pas possipe à vot' age , d'vant vot' file et mi, nous in est choqué" et là ché comme chi t avo mis eune pieche et qu' t éto sur qu' tin morciau préféré i allo s' mette in route " oh in ravisse quand meme, pi ché des ' faute, as' tenir comme cha, la plache ale est a tout l' monte, ché pas d' em faute si y s' tient pas bien" ouais mamy mais j' comprinds pourquo qu' vous voulez toudis et' a coté des mait' nageurs ché nin pour vos ptits infants , ché pour les ravisser d' pres

et là ale répond comme eune jeunette " mais cor heureux qu' cha m interesse cor" et cor là ché rien, pasque dins ch' sute al' plache i a beaucoup d' zollandais et d al'mands, bon ale dit cor des boches, meme si j y fais armarquer que cha fait belle lurette qu in a signé l armistrice, mais cha impeche pas
ouais j' diso ché populations nordiques, cha a pas l' rapport avec l' nudité qu' nouzautes ché français, ichi té vo ché femmes gougouttes à l air sans probleme, et cha arriffe que ché zommes is' cangent sul' plage, alors là , j' sais nin commint qu ale fait belle manman , à accroire qu ale est comme stive austine , l homme qui vallo tro miyards , savez ch' feuilleton que chéto un astronaute qui éto arvén u d' l espace in pieces détachées, et qui l avotent arconstitué et qu aprés i courro comme eune ferrari , i avo eune forche ed mammouth, i intindo des conversations à des kilometes ...
bin mamy aussi , en fait ale a eu qu' l' vision d améliorée, et cor i zy ont mi un ziziomètre, ouais ché un objectif sensoriel d' grante qualité, implanté dins l'eule qui fait que dès qui a un zizi sul' plache j' sais nin commint qu ale fait belle manman mais al' l' arpère tout d'suite , bon eune fos arpérée ale est pas commint qu on pourro dire, très discrète, ale va presque arracher l' bras des' file pour li dire "ravisse ichi chtilale" mi j' ravisse pas , j' su dins mes pinsées et j a pas b'soin d artourner la tiete, j' va l' savoir si y a un gros raccord d' vélo ou pas ou si y a du poil ou pas, ché bin ale fait l' conversation pour tout l' monte
bon cha y est in armonte, in li donne ch' potiau du parasol pour qu al' marche bin dinch' sape, jusqu achteure ale a pas planté l' tige dins l' vinte ed quéqu un ché djà cha

j a oublié d' vous dire que bin sur ale a eu invie d' picher, que s' file ale la laisser aller mais qu ale a du printe ché drapios comme su ché bateaux pour qu ale artrouffe l' plache du qu in éto, et cor ale nous a vu qu in éto qu à 20 m, comme dit min garchon "famille la taupe, mamy , bonne pioche"

in arriffe al' mason et ale dit " mi la mer cha m abruti" et min garchon i a dit un coup "oh y a pas qu' cha mamy" commint voulez , mi , aprés , que j' l ingueule ....