Les jardinsmuche bien t'gaffe
par Potié Vital le, 19/04/2008Pépère André i avot eune moto eune peugeot 125 cm3
ch'étot un péqueu i s'in allot l'matin d'bonne heure dins les 5h
Mémère al i dijot, muche bien t'gaffe n'viens pas chi attraper frod, pèpére i avot s'canadienne in cuir avec des boutons in cuir gros comme des mapes, s'fourrure arlévée.
et al' li arlévot sin gorio (cache nez) avant qui s'invache
et pépère i s'in allot à Oule péquer
l'soir tout l'monte nettoyot chés pichons et in minjot s'friture
chés des momints tout simpes mais l'bonheur ch'est cha, cha s'étale comme du beurre sur s'tartine in s'régale d'avinche.
dins c'que raconte Vital, j'a artreuvé eune expression que j'a souvint intindue à m'mason, à croire que l'risque ed prinde frod i étot omniprésint partout
dès qu'tétos prêt à sortir t'avos drot à : muche bien t'gaffe , té vas printe frod ou té vas attraper du ma , té tout dégavelée
