Les jardinsl'patois
par Potié Vital le, 19/04/2008j'avos d'ja fait un p'tétit mot sur ch'tilale qui s'amènot du bout de ch'coron, un qu'in n'connaissot pas
qui dijot un chin au lieu d'dire cent, ch'tilale i v'not d'à coté, y a eune frontière intre chés deux communes l'parlache d'pépère André qui v'not de ch'bas pays i n'étot pas comme l'note
nous autes ché l'patois mineur, in n'in prind plein s'guiffe in n'glavie pas su ch'ti d'à coté
amoute me chi cha qu'in dijot pour dire fais vire
mes infants et pétits infants i ont toudis intindu l'patois pas in ne l'parle mais tertousse i comprintent, i sont bien obligés.
m'file al étot au lycée madame de Sévigné à Charleville in première et pis y a eu in traval à faire sur s'famile
al avot dit que s'mère al faijot à minger avec des porions, des pos d'chuc, des pétotes.
ch'étot pas à dire al s'a fait chambrer grafe et ch'est l'seul sujet qu'in évite d'li rappeller. al in brait core d'y rappeler
un coup al étot in rache après eune copine al l'a traitée d'pichate, cha in ne connaisso pas, pichate si mais traiter d'pichate nan. traiter d'pichate, va tin vire ti
comme quoi l'patois i s'perpétue et s'élargit
