du tems d 'avant ché mitigeurs
par minloute le, 23/04/2008pinche bien t' tiete, ouais comme cha, nan bien dins l évier, comme cha là ouais
ché pas trop caud hein m'man ? nan j a ravisé mais arret' ed' bouger, pi pinche te bin in avant , arret' ed' gigoter , freume bin tes neules pasque j' va verser ...
cha y est bouche pas, té va met' ed' lio partout, bon asteure, j' mets ch' shampoing pi j' va frotter, mais freume bin tes neules et arret' ed ' gigoter ....
ah in n a qui ont pas connu cha l'lavache des caveux d'dins le levier, l io versée sul' tiete avec eune castrole .....
faut dire qu achteure in est à l' ère du mitigeur, té peux régler t' température au détal près, avint in s imbéto pas avec cha , cha existo pas .............
et pour ché shampoings chéto pas commint qu in pourro dire, ouais "archerché" comme in vo dins nos sal'ed bains
té ravisse ché noms té peut pas t impecher d' sourire , shampoing " aux estraits naturels ed papale verte, aux estraits d' jujuba d' himalaya, au doux mélanche fraicheur des ziles "......
nan chéto eune grante bouteile et chéto marqué "shampoing aux zeufs" i yavo qu' cha
pi qu' té des caveux gras, gris , fins ou normaux, yavo que chtilale ed shampoing, sacrémint efficace pasqui faijo tout
parel asteure t as les shampoings pour "caveux fins antipelliculaires" et cor si cha s appelle cor shampoing , nan ché plutot "effet d' couleur, rénovateur " ou pire incore i mettent des noms américains rin qu a dire aide ende chouldesse , fallo vraimint et' vicieux pour trouver un nom comme cha , mi j auro putot mi "essence ed raquion" si in n a qui saffent pas c' que chéto du raquion ,' j' veux bin l' mette mais faut pas aller minger aprés , du raquion chéto que té cracho t'salifffe dint' main et teul' metto aprés pour plaquer tes caveux