Les jardinslundi sur fr3
par minloute le, 30/04/2008j' sais pas si zavez ravisé lundi au soir sur la 3, i yavo un arportache sur la vie du commissariat d' roubaix, chéto un arporache qui avo été tourné sur eune année complète
j' dis pas qu' Roubaix ché chicago, cha s'ro sacrémint réducteur, j a surtout artenu qui nous arriffent ed nous plainte , mais dinch' l' reportache, in a cottoyé des gins qui cottoyent l' misère
un jone qui travale en intérim al' sortie des fours in metallurgie, et qui dit que ché imbauchés d' l' usine i sont pas à ché postes là
des parints à qui un policier deminte si leu garchon i va à l école et qui répond "in tout cas, j' l y invo chaque matin mais i li va pas"
pi surtout 2 pauv' files désoeuvrées, qui habitotent au fond d' eune courette, et qui , in l apprint au cours d' l enquete , in allant voler l' mason del voisine, tue l' viele femme in l étranglant et in li mettant un coussin sul' tiete
terripes momints que l' garde à vue, et l' reconstitution
si zavez pas vu, j' su sur que fr3 i l arpassera car chéto un vrai momint d'vie , et qu ins' dit y a d' zendroits , pas si loin d' chez nous, que se so à roubaix ou ailleurs, qui a des gins qu in a laissé sul' bord del route, et qu in jour leu vie , déjà pas terripe, a complet'mint basculé
