salami et mortadelle
par minloute le, 01/05/2008j a l' impression qu in in mingeo plus avant, d' ailleurs y avo des grands salamis à mon d' chez omer ch' boucher del rue anatole france
salami et mortadelle , chéto , zallez rire les jones, un peu pour nous des plats "exotiques" , cha nous quangeo del viante, ou del' charcut'rie traditionnelle : saucisson frais , d' bidet ou saucisson sec , d' ailleurs j' me souviens qu in mingeo d' temps en temps du saucisson d' Arles, in acato cha à la coop, j avo moins ker
j' va pas oublier ché patés, chaque charcutier i faijo l' sien, et chacun i juro qu' par sin charcutier ........
ah zammez dire ché jones, vous ché viu , zavez vécu au temps del préhistoire, zavez pas été bercé par maquedonalde, par l' pizza etc ....
meme que pour nous ché vrai , in tout cas pour mi, j a connu l' couscous chéto en 1973 et pas loin aprés l' paella, et cor ché pasque m' mère ale découpo toutes ché zarcettes dins ché magazines et qu as' lanço à nous faire des nouviaux plats
ché vrai les jones qu in avo ptete eune cuisine moins variée, et cor , et cor ché à vire
car avec l apparition d' ché nouviaux plats tout fait et que l' femme ale travaillé d' plus in plus à l estèrieure del mason , y a plein d' plats mijotés qui n' ont achteure de mijoté que l' nom
dins zin monte du qui va d' plus in plus vite, ch' qui éto réputé pour et' l' plus rapite, cha va passer pour l' cuisson l' plus traditionnelle, j' m esplique
j' parle del cocotte minute, ah , quand qu ale est arrivée, cha devo et' la fin del corvée pour ché femmes, ale allotent pouvoir consacrer du temps pour elles, sur ché publicités té vo ché femmes comme in t'nue d' soirée , in tout cas bin habillées , avec des bouques d oreles et du rouge à leme, in souriant tout in goutant avec eune cuiller in bo ch' cont'nu del cocotte
achteure face au micro ontes, l' cocotte ale fait presque "ringarde"...............
l' fait aussi du cang'mint d' génération, d' la "modernité" y a des plats qui disparaissent ou plutot qui sont pu mingés qu' par peu d' personnes, ravisez les pieds d' cochons, les tripes, les rognons (cha ché pas m' tasse ed thé) , l' fo(parel pour mi cha pue quand cha cuit et que gout dins l' bouque in mingeant)
ceux qui n in font cor ché qui zont connues cha infants et que chéto leu mère qui leur mijotto
achteure aussi, d' mindez à un infant c'que ché eune bouch'rie, bin pas gagné mes gins
alors l' nom des morciaux d' viantes ...............
ah si hachée avec du quette cheupe, as' deminder commint qu on a fait avant pour donner à minger à ché zinfants , qui mingeottent et qui y avo pas d' ketchup .......
mi j a rigolé l' dernier coup, grand mère ale fait du riz avec del sauce tomate concentrée , ale ramene ch' plat, bin l' tchiotte ale a été arquerre sin ketchup pour met' avec sin riz ........
mais imaginez dans 200 ans, j' sais pas si in s'ra cor là, mais j' su sur qui aura des zartiques du genre "l' bon vieux temps del viante, des vrais légueumes, et du ketchup" , ouais ach' momint là in ming'ra tout in gélules , cor heureux si i nous donnent pas tout à minger par des gélules suppositoires ......