les commerces de Bruay

Salut Minloute,
j'ai vu qu't'étos perdu dins ché magasins alors v’la eunne photo prisse i a deux ans, in minme temps que tin coron et chés garach' au bout, rappelle te.
Ch'magasin d'toubac ch'est toudis l'minme avant i vindotte du pain aussi p'tète cor à ch’t’heure.
Au d'zeure d'el voiture rouch i avot eunne bouch'rie amon Loriot avec eunne aut' boulang'rie à côté.
Plus loin toudis sus la droite devant l'voiture blanque là dû qui a des arches ch'étot aussi eunne boulang'rie avec eunne vièle boulingère, in allot akater d'el levure pou faire de l'bière et ch'est à côté là dû qu'ch'est marqué assurances qui avot ch'magasin COOP ténu par l’mère à Annie Plouviez si je m’rappelle bien.
Après ch'étot Wuillaume là is vindotte du pinard, i avot aussi in café dû qu’is mettotte chés coulons pou chés concours.
Tout à gauche de l’photo là dû qui a eune barrière in chimint i avot eune bèle maison ar'tirée sus ch'terrain.
Cor plus à gauche (in l’vot pas) i avot ch'magasin de spiritueux chez Hermez, l'file al s’app’lot Michèle et is restotte in bas de l’rue R. Deruy j’cros.
Là dû qui a ch’traîteur à ch’t’heure je n’sais pus s’qui avot. Ch’garchon d’Omer et d’Marthe, min « camarate » Daniel i s’bouch’ minme pus pou m’dire bonjour quand j’passe et que j’veux i dire bonjour.

Là aussi i a in cang'mint d'regard.
Quand té parles ed trisomique mi à m'n'époque i avot Nono qui s'prom'not dins chés corons avec s'trotinette

ché vrai Marcel, j a toudis ch'te drole d impression quand que j arviens à Bruay et que j' déchinds vers l' centre à pied

autant d' min temps (ouhhhhhhh) pas si viu qu' cha, quand té prenno ch' trottoir d' la rue Anatole France, té savo par t' mère "té dis bin bonjour à ché gins qu' té conno" et cha arréto pas "bonjour madame" teul' diso bin polimint plus qu eune paire ed fo , vu qu' ché femmes al' faijottent toutes leu courses in tout cas ché courses d alimentation que là, vu qui avo tout , marchands d' légueumes, boucher, boulanger, la coop, l' quincaill'rie d' chez Cadot, ch' coiffeur,ch' bistrot cha chéto plutot pour ché zommes , l' magasin merveilleux des soeurs Defernez, que té pouvo i trouver du fil à aiguile, in passant par des stylos , jusqu à ché plaques mortuaires

achteure si fallo poser eune plaque mortuaire du qui a eu un magasin et qu ' ché achteure freumé, ché nin à eune rue que cha arson'ro mais à un cim'tière , d'vint presque chaque mason té trouv'ro "argrets zéternels" ....

chéto avant un défilé d' vitrines et d' odeurs pour nous ché tchiots
fleurs in plastique et plaques chez defernez, bouteles d' alcool chez hermez, arligieusses , gatiaux a mon del boulang'rie, odeur ed pinards d'vant chez willaume, finquées d' cigarettes et odeur ed' biere d'vant ch' bistrot, radis, salates alignées chez lecygne , gaines pour grand mères un peu plus loin, j a oublié ché lotions à caveux à mon d' chez noel , ch' coiffeur, odeurs d'zébraline à mon d' ché cadot l'quincaill'rie, odeur ed cartapes, d' cuir, cher vanghelder, odeur la chéto du sérieux , chéto l' odeur des "médicamints" à mon del phramacie ...

achteure ché un désert, pas grand monte dins ché rues, l' population actiffe ale est pu aussi importante à bruay , loin d' là

ch' marchand d' toubac i parait cor plus loin dins l' rue, un tchiot peu comme "bagdad café" l' seul point d' renconte au miyeu du désert .........

avant ché trottoirs i zétotent fréquentés, cha traverso l' route nationale , ché gins i v'notent aussi des rues d' paris, chatel' raut, isbergues, etc .....

achteure quand que té such' trottoir, té presque un zombie, té vo tous ché gins qui vont in carette pour tout, pour rin, et su ché trottoirs bin pu grand monte

Je suis né rue de Fourchambault en 1942
En 1947 nous sommes partis (Comont) à Paris et je me souviens d'avoir avec ma mère acheté du pain avec des tickets à une boulangerie sur la route de Béthune.
J'ai longtemps recherché cette boulangerie (ma dernière recherche mai 2008)

Je remercie Loumarcel de cette précision
Comont

quand on arrivot in haut d'el côte du 3, rue Basly i avot ech café à mo Georgette à côté i avot eun' tiote épicerie, el phamacie Boucly, el boucherie polonaise
un peu pu loin ch'étot l'épicerie et el pressing ténus par les Wimereux quand in avot passé ed d'zous ech pont i avot eun' boucherie, ech bureau ed tabac, ech marchand ed fruits et légumes à mo Libessart
in traversant el rue pour ardéchinte incore eun' épicerie dont j'ai oublié el nom d'el femme el pu pire ch'est qu'al étot adjoint au maire et ch'est t'elle qui m'a marié (pas chti chi l'aute d'avant), i avot ech coiffeur Serge, el coopératife , ech magasin d'électroménager Plouvier Taverne.
j'avos oublié el ferme Mayeur dù qu'in allot quer du lait et du fromache à la coupe
asteur qu'esse qui reste à part ech bureau ed tabac rien. la faute à qui? mais là j'in dirais pas plusse pour pas qui ai débat