Les jardinsché maladies
par minloute le, 21/07/2005quand que j éto jone y avo Clara, l' tante à min père qu'ale veno ale mason
mi j'devo avoir 6 8 ans et j écouto toudis l' conversation d'clara pasqu elle connaisso tout l' monte à bruay
ptete pas tout l' monte, mais un sacré paquet, chti chi i est marié avec eune file untel, elle s' mère chéto eune file machin chosse , enfin j en passe et des meilleures
tout tchiot j' suivo chaque s' maine el'courpe ed' tension de Clara, chéto au moins du 24 et qu un coup ale a poussé jusqu à 28
ale souffro , ale avo plein d' band'lettes ed'sus ses gampes, comme eune momie, mais j ' l aimo bin et ale nous gato toudis
et grace à elle ech' su devenu un espécialisse ed ché maladies , vous dire qu à c't époque , j savo à quoi cha correspondo,j' eule savo pas, mais ché c'qui faijo ch' mystere
j' eume souviens de
"artrosse, artrite, fibrome, compère loriot, escarre, scoliosse, varices, diabete, silicosse, enfizème... j in passe et des meilleures
pi aussi des lieux d' soins
elfaut, saint v'nant, alexis carel à lille, clinique emery à bruay , sans oublier l' pharmacie mutualisse
ben ouais Clara ale connaisso du monte et comme tout l' monte i veillisso , ale savo toutes les misères , toutes les peines ed' chacun, d' chacune
sans oublier , prisse ed' sang, dispensaire, visite, et toutes ché interventions étranches qu ale finissent pas scopie, j savo pas c' que chéto mais rin qu à vire l' tiete à clara, tout c'qui éto "scopie" cha devo pas ete rigolo à subir
j a pas persévéré dans l' voie d'ete méd'cin, non chéto pas pour mi, pourtant j avo d'ja un sacré bagache médical quand que j éto jone
