grand mère et sin tchien
par minloute le, 03/06/2008ah ale est continte grand mère avec ch' nouvio tchien , ah ale est gentile, ah ale a ker ché calins, eune brave biete, à l' imache d' es' patronne comme j y dis , avant d manquer d arcevoir sul' coin d' em' tiete eune castrole ou l' boite à pain ........
mais là grand mère ale est commint qu on dit, au bord del' crisse ed nerfs, j appelle cha s' toutounopause........ ale a des bouffées d' caleur avec ch' tchien
faut dire qu in est au 4 ème coussin qui va al' poubelle , ale jue avec oh pas longtimps, elle print cha d in coup dins' bouque (j' parle du tchien , pas d' grand mère) , ale armue tro coups s' tiete, et crac ch' coussin y est ouvré
mais l' pire pour grand mère ché s' mason, quand qui fait caud , très caud, ch' tchien teul' vo pas dehors, i reste affalé such' carrelache
par conte quand qui pleut.......i d' minte à aller dehors , i uigne, i abbo, alors té li ouffe, et là i court comme un dératé dinch' gardin, pi d un seul coup i rinte, is' démene pour passer par l' chatiere del porte ed garache , cha comminche à coincher mais i est soupe et là i fait eune entrée triomphale ed' dins l' mason, ch' poil tout fraique, l' musiau plein d' terre, et les pattes, mon dieu que malheur, là grand mère ale brait, i t' salit l'mason dix coups par jour inch' momint, car ichi in est comme toute la france in ch' momint, del drache del drache et del drache .......
faut dire as' décharge d' min tchien, comme j y a dit, eh quand que t as vu l annonce chéto marqué "airedale croisé labrit " bin ché nin un tchien d' appartemint , faut qu' cha viffe, et là ch'tchien i est vraimint plus airedale que labrit, j ' ravisse sur internet quo qui disse such' tchien là : a pas ker les grosses chaleurs, adore l' io, chien rustique , ah que j y dis à grand mère cha cange ed tes deux mertes ....
là j' su sur qu ale réagit au quart ed tour, j a appelé ché deux zautes tchiens des mertes , ouais que j armets eune couche, ché des mertes, tout tchiots, gueulards, craintifs, que té peux pas chahuter avec grand mère, i gueulent et j' prindro bin deux tro coups d' crocs si j' continuro
là dehors i drache fort, et stella ouais ché sin nom am' chienne ale est dehors , dins un bel état ..........
grand mere ale est pas là, ale va cor querre un syncope in rintrant .....
bienvenue au club
mi j'ai un jack russel i fait pire qu'à pinte. i nous a bouffé ech porte journaux, les pétotes qui avot dins l'cellier et el dernière in date i a profité qu'in étot partis et qu'el boîte ed chocolats al étot restée sur el tape ed salon, i l'a ouverte et i l'a mingée. résultat des courses parce que pour eux ché du poison i a fallu l'imm'ner chez l' véto pour i faire un lavache d'estomac cha nous à couté 75 euros non rimboursé par el sécu. ah j'oublios i m'a bouffé eun' paire ed basket, cha faisos deux jours qu'ej les avos acatées .... et dire que j'in voulos pu ...
( 1 photos)