Si ch'est pas bieau d' parler patois...
par leon grossel le, 04/06/2008Si ch’est pas bieau d’ parler patois,
Alors m’ vie n’a pas été belle
Si ch’est pas bieau d’ parler patois,
Mettez mes souv’nirs à l’ poubelle.
Toutes les canchons dormoires
Qui ont su m’ rapager
Les contes et les histoires
Qui m’ont tant fait rêver ,
Les mots douches de m’ grand-mère
Inrobés d’chuc Andy
Pour m’dire qu’alle m’avot kaire
Que j’étos sin pitit.
Si ch’est pas bieau d’ parler patois,
Alors m’ vie n’a pas été belle
Si ch’est pas bieau d’ parler patois,
Mettez mes souv’nirs à l’ poubelle.
Tous les tours d’manèche
Sur l’ bidet d’bos à gron
Bras tindus comme des flêches
Pour attrapper ch’pompon.
Les jurons d’min grand-père
Qu’i fallot pas ardire
Quand i étot in colère
Et qui m’ faijot tant rire .
Si ch’est pas bieau d’ parler patois,
Alors m’ vie n’a pas été belle
Si ch’est pas bieau d’ parler patois,
Mettez mes souv’nirs à l’ poubelle.
L’canchon du ptit Quinquin
Qui brait dins s’n’ochenoir.
Et les canchons d’marins
Et pis l’hymne à Jean Bart.
Et Finette , l’ paufe quien
Ils l’ont mis dins l’ carrette
S’maîtresse a tant d’chagrin
Alle a perdu s’brafe biête.
Si ch’est pas bieau d’ parler patois,
Alors m’ vie n’a pas été belle
Si ch’est pas bieau d’ parler patois,
Mettez mes souv’nirs à l’ poubelle.
Sainte Barpe alle est pas morte !
Ses éfants cantent in core
Nan, nan qu’alle est pas morte
Alle prie pour tous ses morts.
Raoul quand la mer monte
J’intinds résonner t’voix
Comme ti j’ai jamais honte
D’parler min patois.
Leon Grossel
pourquoi toute note vie in a intindu dire que l'patois chétot vulgaire in s'dévalue in parlant comme cha
pourquoi faudrot ti avoir honte d'nos aïeux qui nous ont appris à parler comme cha .
quand j'étos tiot un coup in voulant franciser not' patois j'ai été acater un kilo d'charottes... , cha a fait l'tour de ch'coron